საქორწილო ფოტოსესიის ტრადიცია ყველა ქვეყანაში პოპულარულია, მაგრამ ყველა ქვეყნის მოქალაქეს როდი გაუმართლებს ისე, რომ კადრში მსოფლიო დონის ვარსკვლავი გამოაჩინოს, თანაც უნებართვოდ, საკუთარი ინიციატივით მისული.

ჩვენს ქვეყანაში ქორწილში შეგიძლია ესტრადის ვარსკვლავები მოიწვიო, მაგრამ მხოლოდ დიდი დანახარჯების და სტუმრების დაყრუების ფასად თუ მიიღებთ რამდენიმე სამახსოვრო სურათს.

მოკლედ, ეს ლამაზი და მხიარული ისტორია ნიუ-ორკის ცენტრალურ პარკში მოხდა, როცა ერთ ჩვეულებრივ დღეს ვარჯიშზე გამოსულ ტომ ჰენკსს გზა ახალგაზრდა წყვილის საქორწილო ფოტოსესიამ გადაუღობა.

ჰენკსი უცერემონიოდ მივიდა წყვილთან და ფოტოსესიაში ჩაერთო. რამდენად ესიამოვნათ და როგორ გამოხატავს წყვილი გაოცებას ეს ვიდეოში შეგიძლიათ იხილოთ.

თუმცა ისტორია ამ დამშვიდობებით არ სრულდება.

ერთი ჩვეულებრივი ამერიკული წყვილი მსოფლიოს პრესის ყურადღების ცენტრში მოექცა, რასაც მარტო ჰეკნსის კადრში გამოჩენამ კი არა მის მიერ ამ სურათების გამოქვეყნებამ შეუწყო ხელი.

ტომ ჰენკსმა ფეისბუკის და ტვიტერის ოფიციალურ გვერდებზე საკუთარ ფოლოვერებს ახალგაზრდა წყვილთან გადაღებული სელფი გაუზიარა.