რუსუდან გლურჯიძის ფილმი სხვისი სახლი ნორვეგიაში, ბერგენის საერთაშორისო კინოფესტივალზე, გრან პრის მფლობელი გახდა.

ეს ფილმისთვის რიგით მეორე საერთაშორისო ჯილდოა. სხვისი სახლი კარლოვი ვარის კინოფესტივალის გამარჯვებულია პროგრამაში East of the West.

ფოტო: საქართველოს ეროვნული კინოცენტრი

ბერგენის საერთაშორისო კინოფესტივალი ნორვეგიაში 2000 წლიდან იმართება და ქვეყანაში ერთ-ერთ ყველაზე მნიშვნელოვან კინომოვლენად ითვლება.

სხვისი სახლი ეროვნული კინოცენტრის კონკურსის გამარჯვებული პროექტია და ის საქართველოს, რუსეთის, საფრანგეთის და ხორვატიის კოპროდუქციაა. ფილმი გამანადგურებელ ომში ფიზიკურად გადარჩენილი ორი ოჯახის შესახებ მოგვითხრობს, რომლებიც ნაჩქარევად გამოთავისუფლებულ სახლებს იკავებენ, მაგრამ მშვიდობიან გარემოში ახალი ცხოვრების დაწყება არ შეუძლიათ და ომი მათ ყოველდღიურ ცხოვრებაშიც გრძელდება.

რუსუდან გლურჯიძის ფილმი წელს ამერიკის კინოაკადემიისთვის ოსკარის უცხოენოვანი ფილმის ნომინაციისთვის წარსადგენად შეირჩა.