ეგვიპტის სანაპიროზე ნავის ჩაძირვის შემდეგ 162 ლტოლვილი დაიღუპა. Al Jazeera-ს ცნობით, არსებობს საშიშროება რომ გარდაცვლილთა რიცხვი ისევ გაიზრდება.

გადარჩენილების ინფორმაციით, სულ ჯამში ნავზე 450-მდე ადამიანი იყო და იტალიისკენ მიემართებოდნენ.

გამოცემის ცნობით, ეგვიპტელმა სამხედროებმა 163 ადამიანი გადაარჩინეს მიგრაციის საერთაშორისო ორგანიზაციის განცხადებით, გადარჩენილებს შორის უმეტესად ეგვიპტელები არიან, თუმცა ასევე არიან სუდანელები, ერიტრიელები, სირიელები და ეთიოპიელები. მათივე ცნობით, დაახლოებით 250 ადამიანი ჯერჯერობით დაკარგულად ითვლება.

მიგრაციის საერთაშორისო ორგანიზაციის ინფორმაციით, 2016 წელს, 300 450 მიგრანტმა შეაღწია ევროპაში ზღვის გავლით. ამავე წელს, 166 050 საბერძნეთში ჩავიდა, 130 567 კი იტალიაში.