ევროპული საქართველოს დეპუტატი გიგა ბოკერია ე.წ. რეპეტიტორის კორუფციასთან დაკავშირებით მინისტრის განცხადებას გამოეხმაურა. ბოკერიას მიაჩნია, რომ ნორმალურია, როდესაც დამატებითი ცოდნის მიღებაში ფულს იხდიან.

"კორუფცია იყო მაშინ, როდესაც ეს რეპეტიტორები იჯდნენ გამოცდაზე და უნდა მისულიყავი მათთან, რომ მას შენთვის ნიშანი დაეწერა არა ცოდნაში, არამედ იმაში, რომ ფული გადაუხადე. ახლა პრობლემაა ისაა, რომ ვისაც საშუალება არ აქვს რეპეტიტორების, ისაა გამოუვალ მდგომარეობაში, რადგან სკოლა ვერ აძლევს განათლებას", — აღნიშნავს ბოკერია და დასძენს, რომ რეპეტიტორების გარეშე მოსწავლეების ცოდნას ვერ იღებენ.

დღეს, 7 თებერვალს მიხეილ ბატიაშვილმა პარლამენტში განათლების რეფორმასთან დაკავშირებით დეპუტატებს მოხსენება გააცნო. ის აღნიშნავს, რომ დამამთავრებელ კლასებში სკოლამ როლი დაკარგა, ვინაიდან მოსწავლეები მისაღებ გამოცდებზე არიან ორიენტირებული.

"მე ვიტყოდი, რომ დღევანდელ სისტემაშიც გვაქვს ჩრდილოვანი განათლება, რომელიც ნაწილობრივ კორუფციულ ელემენტებსაც შეიცავს. ამაში მშობლები ხარჯავენ ასეულობით მილიონობით ლარს", — ამბობს განათლების მინისტრი რეპეტიტორებზე, რომლებსაც მოსწავლეები დამამთავრებელ კლასებში მიმართავენ.

ამავე თემაზე: