independent-ის ინფორმაციით, მკვლევარებმა დაადგინეს, რომ სისხლის მარტივი ანალიზის შედეგად კიბოს რისკის დადგენა შესაძლებელია. დიდი ბრიტანეთის სამეცნიერო ფესტივალზე მეცნიერების მიერ გამოქვეყნებული ტესტი სისხლში ერითროციტების ცვალებადობის მიხედვით ადგენს, შეიძლება თუ არა რომ ორგანიზმში კიბო იყოს.

მისი საწყის სტადიაში აღმოჩენა წარმატებული მკურნალობის მთავარი გასაღები შეიძლება იყოს.

როგორც სვონსის უნივერსიტეტის სამედიცინო სკოლის მკვლევარი აცხადებს, მარტივ ტესტს შეუძლია კიბო მცირე სიმპტომის შემთხვევაშიც კი ამოიცნოს. მისი თქმით ადრეული დიაგნოსტიკა გადარჩენის საუკეთესო საშუალებაა.

ტესტით ლაბორატორიულ კვლევას სულ რამდენიმე საათი სჭირდება.