სამყარო ზედმეტად საინტერესოა საიმისოდ, რომ ახალი შთაბეჭდილებებისა და გამოცდილების მიღების სურვილი დავკარგოთ და საკუთარ მხედველობას არ მოვუფრთხილდეთ.

ფართოდ გავრცელებული მოსაზრება, რომ მხედველობის პრობლემები მხოლოდ ასაკოვან ადამიანებს აწუხებთ, მცდარია, რადგან დაუფიქრებელი საქციელით, ჩვენი მხედველობა ცხოვრების ნებისმიერ ეტაპზე შეიძლება გაუარესდეს.

კომპიუტერთან დიდი ხნით ჯდომა, არაჯანსაღი საკვების ჭამა, ჰიგიენის არდაცვა - ეს იმ მავნე ჩვევების მცირე ჩამონათვალია, რომლებიც ჩვენს თვალებს სერიოზულ საფრთხეს უქმნის.

წაიკითხეთ 10 მარტივი რჩევა , თუ როგორ უნდა მოუფრთხილდეთ თვალებს:

1. არ მოისრისოთ თვალები

თვალების მოსრესა საკმაოდ მავნე ჩვევაა, რადგან ამ დროს დიდი შანსია, რომ დაბინძურებული ხელიდან თვალში ბაქტერიების მთელი არმია მოხვდეს, რაც მოგვიანებით, რომელიმე სერიოზული დაავადების განვითარებას შეუწყობს ხელს.

2. ხელები ხშირად დაიბანეთ

ზემოთ ხსენებულ ჩვევას თუ ვერ ელევით, გამოსავალი ამ შემთხვევაშიც არსებობს — ხელები ხშირად დაიბანეთ.

დარწმუნდით, რომ განსაკუთრებით თვალებთან, სათვალესთან ან კონტაქტურ ლინზებთან შეხებისას თქვენი ხელები ნამდვილად სუფთაა.

3. ერიდეთ მზის პირდაპირ სხივებს

რუჯის მოყვარულმა ადამიანებმა უნდა იცოდნენ, რომ მზის ულტრაიისფერი სხივები არამხოლოდ კანს, არამედ თვალებსაც აზიანებს.

მზიან ამინდში ყოველთვის გამოიყენეთ მზის სათვალე ან კეპი.

4. არ მოწიოთ

მოწევა სასიცოცხლოდ მნიშვნელოვანი ორგანოებისთვის სერიოზულ საფრთხეს წარმოადგენს — მათ შორის თვალებისთვისაც.

უნდა იცოდეთ, რომ თითოეული მომდევნო ღერის მოწევისას ასაკთან დაკავშირებული მაკულარული დეგენერაციის პროცესსა და სხვა მძიმე დაავადებების განვითარებას უწყობთ ხელს.

5. იკვებეთ სწორად

იმისთვის, რომ მხედველობა გაუმჯობესდეს, სწორი კვებაც მნიშვნელოვანია.

ხშირად ჭამეთ თევზი, თაფლი, ხახვი, თხილი და ყველა ის პროდუქტი, რომლებიც მხედველობისთვის აუცილებელი ვიტამინებითა და ნივთიერებებითა არის გაჯერებული.

6. მოერიდეთ ეკრანის გამოსხივებას

კომპიუტერის ეკრანის გამოსხივება თქვენი თვალებისთვის ძალიან დამღლელი და დამაზიანებელია.

თუ მნიშვნელოვან საქმეს ასრულებთ და კომპიუტერთან საათობით ჯდომა გიწევთ, ეცადეთ, რომ გამოსახულებას ზედმეტად ახლო მანძილიდან არ უყუროთ. გამოსხივებისგან დამცავი სათვალეც გამოგადგებათ.

7. ერიდეთ ალერგიულ პარფიუმერიას

სილამაზე მსხვერპლს ნამდვილად მოითხოვს, თუმცა, როდესაც საქმე ჯანმრთელობას ეხება გარკვეული სიფრთხილის გამოჩენა მაინც აუცილებელია.

ერიდეთ ალერგიული პარფიუმერიის გამოყენებას, რომლებიც თქვენი თვალების გაღიზიანებასა და ჩაწითლებას იწვევენ. დღის ბოლოს კი მაკიაჟის გულმოდგინედ მოცილება არ უნდა დაგავიწყდეთ.

8. კარგად გამოიძინეთ

დამღლელი დღის შემდეგ თქვენი ორგანიზმისთვის დახარჯული ენერგიის აღდგენა აუცილებელია. კარგი მხედველობის შესანარჩუნებლად, დასვენება და კარგად გამოძინება ხომ თქვენს თვალებსაც სჭირდებათ.

გუშინ, 5 თებერვალს "სხვა შუადღის" ეთერში გადაცემის წამყვანებმა ოფთალმოქირურგ გრიგოლ გამუშაძესთან, მედიცინის დოქტორ მარიამ გოლოვაჩევასა და თამარ ცირეკიძესთან ერთად მხედველობის პრობლემებისა და მათი გადაჭრის გზებზე ისაუბრეს.