იგოეთთან მოყინული გზის გამო მანქანები ერთმანეთს შეეჯახა. როგორც შინაგან საქმეთა სამინისტროში On.ge-ს უთხრეს, შემთხვევა გზის სამ სხვადასხვა მონაკვეთზე მოხდა, ჯამში 20-ზე მეტი მანქანა დაზიანდა.

მათივე თქმით, მანქანები მოცურდა და იყო მსუბუქი შეჯახება, რის შედეგადაც არავინ დაშავებულა. ადგილზე იმყოფებიან როგორც საპატრულო პოლიცია, ისე სასწრაფო დახმარების მანქანები.

იგოეთის გზა გადაკეტილი არაა და მოძრაობას პოლიცია აკონტროლებს.