სამხრეთ აფრიკაში გამართულ გეოლოგთა საერთაშორისო კონგრესზე, დელეგატებმა, 34 ხმით, ერთი თავშეკავებითა და ნული მოწინააღმდეგით, მიიღეს გადაწყვეტილება, რომელის მიხედვითაც დედამიწაზე ჰოლოცენის გეოლოგიური ეპოქა დასრულდა და ამჟამად ანტროპოცენის პერიოდია.

ჰოლოცენის ეპოქა ბოლო 12 ათას წელიწადს მოიცავს, პერიოდს, როცა ზღვამ და ხმელეთმა ის სახე მიიღეს, რაც ამჟამად გვაქვს.

მეცნიერების აზრით, ადამიანთა გავლენა პლანეტაზე იმდენად დიდია, რომ მისი გეოლოგიური მდგომარეობა მთლიანად შეცვლილია, რაც იძლევა საფუძველს, რომ დაადგინეს ახალი ეპოქა. ანტროპოცენის დადგომის ზუსტი თარიღი ჯერჯერობით არ დადგენილა, მაგრამ გეოლოგები მიიჩნევენ, რომ ახალი ეპოქის დასაწყისად მეოცე საუკუნის შუა პერიოდი უნდა გამოცხადდეს.

აღნიშნული გადაწყვეტილება და ეპოქა ოფიციალურად აღიარებისთვის საჭიროა, ის გეოლოგთა საერთაშორისო კავშირმაც ცნოს.

ანტროპოცენი გულისხმობს ეპოქას, რომელშიც დედამიწა ადამიანთა გავლენით შეიცვალა, გამონაბოლქვის, ატომური აფეთქებების, პლასტმასით დაბინძურებისა და სხვა ხელოვნური ფაქტორების შედეგად.