დარწმუნებული ვარ ხშირად შეგხვედრიათ სტატიები სათაურით - "მარუნ ფაივმა მილიონერს ქორწილში უმღერა", "ნატალი პორტმანმა აზერბაიჯანელ მილიარდერს ქორწილში გედების ტბიდან მონაკვეთი წაუცეკვა", "გია სურამელაშვილმა ნინოკოს საკუთარ ჯვრისწერაზე სამი სიმღერა შეუსრულა" და მრავალი სხვა. რა თქმა უნდა, ეს ჩვეულებრივი მოვლენაა, მომღერლები და მსახიობები მდიდრების ქორწილში მისასვლელად ხშირად ფულს იღებენ. ჰონორარი, რა თქმა უნდა, მათი ვარსკვლავური სტატუსის შესაბამისია.

თუმცა არსებობენ გამონაკლისებიც, მაგალითად, იან მაკკელენი, უდიდესი ბრიტანელი მსახიობი და ჩვენთვის საყვარელი გენდალფის როლის შემსრულებელი ბეჭდების მბრძანებელსა და ჰობიტში.

და რადგან ნათქვამია, შენი თავი შენადვე გეყუდნოდესო, იანიც ადგა და უარი თქვა მილიარდელის ქორწილში გენდალფის ფორმით მისვლაზე, რაშიც $1,5 მილიონ დოლარს სთავაზობდნენ.

"მიწვევა მქონდა კალიფორნიაში ერთი ძალიან ცნობილი წყვილის ქორწილში, სანაცვლოდ კი მილიონ ნახევარს მთავაზობდნენ თუ იქ გენდალფის ფორმით გამოვცხადდებოდი. ბევრი არ მიფიქრია, ვუპასუხე, რომ სამწუხაროდ გენდალფი მათ ქორწილში არ მივიდოდა", თქვა მსახიობმა Daily Mail-თან ინტერვიუში.

შეგახსენებთ, რომ 22 აპრილიდან ტელეკომპანია GDS-ზე შუახმელეთის ლეგენდა შეგიძლიათ ნახოთ.

შაბათი 22 აპრილი:

17:00 – ბეჭდების მბრძანებელი: ბეჭდის საძმო
20:00 – ბეჭდების მბრძანებელი: ორი კოშკი
23:15 – ბეჭდების მბრძანებელი: ხელმწიფის დაბრუნება

კვირა 23 აპრილი

17:00 – ჰობიტი: მოულოდნელი მოგზაურობა
20:00 – ჰობიტი: სმაუგის განადგურება
23:00 – ჰობიტი: ხუთი არმიის ბრძოლა