Reuters-ის ინფორმაციით, თურქეთი ევროკავშირს ოქტომბრამდე სავიზო ლიბერალიზაციას სთხოვს, წინააღმდეგ შემთხვევაში, კი ქვეყანა მიგრანტების კრიზისთან დაკავშირებით დადებულ შეთანხმებას დაარღვევს.

"ევროკავშირმა უნდა გასცეს თურქეთზე უვიზო მიმოსვლის რეჟიმი ოქტომბერში, წინააღმდეგ შემთხვევაში მიგრანტთა ნაკადს, რომელიც ევროპისკენ მიდის სხვა გზის პოვნა მოუწევს" - აცხადებს თურქეთის საგარეო საქმეთა მინისტრი მევლუთ ჩავუშოღლუ.

ის ასევე აცხადებს, რომ არ სურს საუბარი იმაზე, თუ რა შეიძლება მოხდეს წინააღმდეგ შემთხვევაში.

უვიზო რეჟიმის ლიბერალიზაციამდე, ბრიუსელს სურს, რომ თურქეთმა ანტიტერორისტული კანონი შეარბილოს. ევროკომისარი გიუნტერ ოტინგერი აცხადებს, რომ სამხედრო გადატრიალების შემდეგ ის ვერ ხედავს თურქეთისთვის უვიზო რეჟიმის გახსნის აუცილებლობას.

ამის საპასუხოდ, ჩავუშოღლუ აცხადებს, რომ თურქეთი ყველაფერს ისე აკეთებს, როგორც ევროკავშირისათვის იქნება სასარგებლო, სანაცვლოდ კი ის ვერაფერს იღებს.

პრეზიდენტი ერდოღანი კი სიკვდილით დასჯის კანონის კენჭისყრაზე დაყენებას აპირებს, იმ შემთხვევაში, თუ ევროკავშირი მას იმედებს გაუცრუებს.