ბათუმში, კაცმა აჭარის მთავრობის სახლის წინ ხეზე ხელი ლურსმნით მიიჭედა. რუსთავი 2-ის ინფორმაციით, კაცი ამბობს, რომ მას საქაერონავიგაციამ ბათუმის სანაპირო ზოლში დელტა პლანით ფრენა აუკრძალა.

ვასიკო ტაკიძის განმარტებით, ის საზღვაო ტრანსპორტის სააგენტოში დარეგისტრირებულია და საქაერონავიგაცია კი მისგან რეგისტრაციის დამადასტურებელ სხვადასხვა დოკუმენტებს ითხოვს და ფრენა აუკრძალა. მისივე თქმით, ბანკიდან დიდი ოდენობით სესხი აქვს გამოტანილი და ხელი ეშლება, რადგან წლებია ამ ბიზნესით არის დაკავებული. ის მთავრობისგან რეაგირებას ითხოვს.

საქაერონავიგაციაში აცხადებენ, რომ ფრენაზე ნებართვის გაცემა მათ კომპეტენციაში არ შედის და პასუხისმგებელი სამოქალაქო ავიაციის სააგენტოა. On.ge ავიაციის სააგენტოსთან დაკავშირებას ცდილობს.