2018 წლის 20 ივლისს ეკრანზე პოპულარული ამერიკული მიუზიკლის მამა მიას მეორე ნაწილი, Mamma Mia: Here We Go Again! გამოვა. ნაცნობი მსახიობების - მერილ სტრიპის, კოლინ ფერტის, ამანდა სეიფრიდის, პირს ბროსნანისა და სხვა ვარსკვლავების გარდა, ახალ ნაწილში მონაწილეობას ლეგენდარული მომღერალი და მსახიობი შერიც მიიღებს, რომელიც სტრიპის პერსონაჟის, დონას დედას განასახიერებს.

ფილმის გამოსვლამდე სულ უფრო ცოტა დრო რჩება, სწორედ ამიტომ შემქმნელებმა მაყურებლის კიდევ უფრო მოსაზიდად გადაწყვიტეს ახალი ვიდეო გამოექვეყნებინათ, რომელშიც 10 წლის შემდეგ კვლავ გვესმის ფილმის ერთ-ერთ სავიზიტო ბარათად ქცეული სიმღერა Dancing Queen.

თუ დააკვირდებით აღმოაჩენთ, რომ ამ ვიდეოში არ ჩანს მერილ სტრიპი, რომელმაც ზუსტად 10 წლის წინ ამ სიმღერას ახალი სიცოცხლე აჩუქა.

რაც შეეხება ფილმს, მამა მიას მეორე ნაწილში აქცენტი სოფიზე (ამანდა სეიფრი) გაკეთდება, რომელიც ორსულად არის და ცდილობს გაიგოს, თუ როგორი იყო დედამისი ახალგაზრდობაში.