ნაციონალურმა მოძრაობამ 2016 საპარლამენტო და აჭარის უმაღლესი საბჭოს არჩევნებში ბათუმის მაჟორიტარი დეპუტატობის კანდიდატები დაასახელა. პრეზენტაცია ბათუმში, ენმ-ს ოფისის მიმდებარედ გაიმართა, სადაც პარტიის მხარდამჭერები იყვნენ შეკრებილები.

ღონისძიებაზე დამსწრე მოქალაქეებს აღნიშნული კანდიდატები ლევან ვარშალომიძემ წარუდგინა. პარლამენტში ბათუმიდან კენჭს კანდიდატები ქალაქის სამი ოლქიდან იყრიან. ესენი არიან: მირდატ ქამადაძე, გიორგი კირთაძე და თემურ დუმბაძე.

რაც შეეხება აჭარის უმაღლეს საბჭოს, იქ მოსახვედრად შემდეგი კანდიდატები დასახელდნენ: ელგუჯა ბაგრატიონი, ნინო ჯინჭარაძე, ია აბულაძე.

დავით ბაქრაძის განცხადებით, ენმ აუცილებლად გაიმარჯვებს 2016 წლის საპარლამენტო არჩევნებში:

"მე მინდა თქვენც იცოდეთ ჩვენი რწმენა, რომ ისე, როგორც არასდროს ბოლო წლების განმავლობაში, დარწმუნებულები ვართ ჩვენს გამარჯვებაში".

ღონისძიებაზე საქართველოს ექს-პრეზიდენტმა, მიხეილ სააკაშვილმა დამსწრე საზოგადოებას ვიდეო ჩართვის საშუალებით მიმართა.