როგორც უკვე იცით, HBO-მ საკულტო სერიალ სამეფო კარის თამაშების ფანებს, სიუპრიზი მოუწყო და ახალი კონტრაქტი გააფორმა ოთხ სცენარისტთან, რომლებიც GOT-ის წინა ისტორიის შესახებ ჯორჯ მარტინთან ერთად იმუშავებენ.

როგორც ცნობილია, HBO-მ არჩევანი გმირთა ეპოქის შესახებ გააკეთა. ეს სწორედ ის ეპოქაა, როცა თითქმის ყველა ის საგვარეული ჩამოყალიბდა, რომელსაც ამჟამინდელ შოუში ვხვდებით.

ამავე ეპოქას განეკუთვნება ბრანდონ მშენებელის ისტორია, რომელმაც კედელი ააგო, ასევე ყველაზე დიდი ზამთარი ისტორიაში და ა.შ.

ახლახან ცნობილი გახდა, რომ პრიქველზე მუშაობას შოუს შემქმნელები ოქტომბერში, ბელფასტში დაიწყებენ, მისი პრემიერა კი 2020 წელს იგეგმება.

სერიალის სახელი სავარაუდოდ The Long Night (გრძელი ღამე) იქნება.

გარდა ამისა ვრცელდება ინფორმაცია, რომ პრიქველის გარდა HBO სამეფო კარის თამაშების ახალ სპინოფებზეც დაიწყო მუშაობა, რომელშიც ამავე სამყაროში მომხდარ სხვა მოვლენებს ვნახავთ, სხვა პერსონაჟებით და სხვა მითოლოგიით, თუმცა რომელ პერიოდში განვითარდება ეს ისტორიები ან რომელი გვარის შესახებ იქნება ახალი ეპოსი, ჯერ ცნობილი არ არის. ერთადერთი რისი თქმაც დანამდვილებით შეგვიძლია, არის ის, რომ ჯორჯ მარტინის შექმნილი სამყარო იმდენად დიდი და მრავალფეროვანია, რომ ახალი ისტორიებისა და სიუჟეტების მოფიქრება ნამდვილად არ გაუჭირდებათ.

რაც შეეხება, HBO საკულტო სერიალის ფინალურ სეზონის, ის ეთერი 2019 წელს დაბრუნდება, მისი გადაღებები კი რამდენიმე დღის წინ დასრულდა.