დღევანდელი რუსეთ-ხორვატიის მატჩის გმირი არამხოლოდ ხორვატი ფეხბურთელები, არამედ მათი პრეზიდენტი, კოლინდა გრაბარ-კიტაროვიჩიც გახდა. პრეზიდენტმა მატჩის დღე გულშემატკივრებთან ერთად გაატარა, ის ნაკრების ფორმაში ჩაცმული და დროშაში გახვეული ხვდებოდა ფანებს.

კოლინდა გრაბარ-კიტაროვიჩის აქტივობა არც მატჩის დროს იყო შეუმჩნეველი, თუმცა გამარჯვების აღნიშვნისას ხორვატიის პრეზიდენტმა ხალხის გული ორმაგად მოიგო. პირველ რიგში ქვეყნის აქტიური გულშემატკივრობისთვის და მეორეც რუსეთის პრემიერ-მინისტრის დიმიტრი მედვედევის დადუმებისთვის.

მედვედევიც ორმაგად დარჩა გულნატკენი ნაკრების გამოვარდნისა და კონკურენტების პრეზიდენტის ასეთი მხიარულების გამო.

თუმცა, ეს ყველაფერი როდია მატჩის დასრულების შემდეგ პრეზიდენტი ნაკრების გასახდელს ეწვია და პირადად მიულოცა მწვრთნელს, რის შემდეგაც ნაკრებთან ერთად სიმღერითა და ცეკვით აღნიშნა გამარჯვება.