სამხრეთ აფრიკელი ქალი საავადმყოფოშია გადაყვანილი და მკურნალობას გადის, მას შემდეგ, რაც ის მორგის მაცივარში ცოცხალი აღმოაჩინეს. ინფორმაციას BBC ავრცელებს.

ქალი მორგში ავარიის შემდეგ მოხვდა, როცა ექიმებმა მისი სიკვდილი დაადასტურეს. საავადმყოფოს თქმით, ქალს სიცოცხლის მაჩვენებლები აღარ ჰქონდა, თუმცა როდესაც მორგის თანამშრომელი გვამის გადასამოწმებლად დაბრუნდა, აღმოაჩინა, რომ ის ჯერ კიდევ სუნთქავდა.

საავადმყოფო თანამშრომლების არაკვალიფიციურობას უარყოფს, საქმეზე კი გამოძიებაა დაწყებული. ავარიას, რომელშიც ქალი მოყვა, 2 ადამიანის სიცოცხლე ემსხვერპლა.