BBC-ის ინფორმაციით, ტერესა მეის პრემიერმინისტრობის ერთადერთი კანდიდატია მას შემდეგ, რაც დღეს მისი კონკურენტი ანდრეა ლისდომი მარათონს გამოეთიშა.

ჯერჯერობით უცნობია ზუსტი დრო, როდესაც ბრიტანეთის მოქმედი პრემიერის, დევიდ კემერონის ძალაუფლება მეის ხელში გადავა.

ანდრეა ლისდომი, რომელიც ბრიტანეთის მიერ ევროკავშირის დატოვებას უჭერდა მხარს, ამბობს, რომ გაერთიანებულ სამეფოს სჭირდება "ძლიერი და სტაბილური მთავრობა" და ტერესა მეი ბრექსითის რეალიზაციას იდეალურად მოახერხებს.

ტერესა მეი ევროსკეპტიკოსია, თუმცა ბრიტანეთის EU-ში დარჩენას უჭერდა მხარს.

"ბრექსითი ნიშნავს ბრექსითს და ჩვენ შევეცდებით, რომ გადაწყვეტილება იყოს წარმატებული." - ამბობს მეი.

დევიდ კემერონმა თანამდებობის დატოვების შესახებ რეფერენდუმის შემდეგ განაცხადა.