ყოფილმა ფეხბურთელმა კრის სატონმა, რომელიც ჩელსის ღირსებასაც იცავდა, მანჩესტერელთა თავკაცი ჟოზე მოურინიო გააკრიტიკა და მის სტილს მოძველებული უწოდა:

"2004 წლის ქარიზმატული მოურინიო დღეს უკვე შეცვლილია".

"შეგვიძლია, მანჩესტერის ამჟამინდელი მდგომარეობა კატასტროფულად შევაფასოთ? არა.

მაგრამ, მოვიდა კი მოურინიო იმისთვის, რომ სეზონი სიტიზე ქვემოთ დაესრულებინა და მნიშვნელოვანი ტიტულებისთვის არ ებრძოლა?"

"ეს არის ადამიანი, რომელიც სცენაზე, როგორც გენიოსი, ისე გამოჩნდა. ახლა კი სტილი მოუძველდა", - აღნიშნა სატონმა.

შეგახსენებთ, რომ მანჩესტერი ჩემპიონთა ლიგას სევილიასთან მარცხის შემდეგ გამოეთიშა, მაშინ, როცა ლივერპულიცა და სიტიც შემდეგ ეტაპზე გავიდნენ.