ქართული მედია Manchester City-ს ახალი მწვრთნელის გუშინდელი ინტერვიუს შესახებ წერს, რომელშიც მან თითქოს გიორგი ქინქლაძის შესახებ ისაუბრა.

ქართული მედიის წარმომადგენლები აღნიშნულ ინფორმაციას ტვიტერის გვერდ Sun Gossip-ზე დაყრდნობით ავრცელებენ.

Sun Gossip-ს აღწერაში უწერია, რომ არანაირი კავშირი არ აქვს გაზეთ Sun-თან და მათი გამოქვეყნებული ინფორმაცია ფაბრიკაციაა, ხოლო ხანდახან ნამდვილ ამბებსაც დებენ.

გვერდზე დადებულ ტვიტებში ვკითხულობთ:

"ძალიან მომწონს მეინ როუდი. ქინქლაძე ყოველთვის ჩემი კუმირი იყო". - პეპ გუარდიოლა.

Sun Gossip-ს მეორე ასეთი ტვიტიც უდევს:

"ბარსაში რივალდო ყოველდღე ლაპარაკობდა ქინქლაძეზე. [...]", - პეპ გუარდიოლა.

ინფორმაციის გადამოწმების მიზნით, ჩვენ ვუყურეთ პეპ გუარდიოლას გაცნობით ინტერვიუს, რომელიც 25 წუთის განმავლობაში გრძელდებოდა და ასევე მის ექსკლუზიურ ინტერვიუს ნოელ გალაჰერთან. ორივე ვიდეო გამოქვეყნებულია Manchester City-ს ოფიციალურ Youtube არხზე.

გუნდის ახალ მწვრთნელს არც ერთ ვიდეოში მსგავსი რამ არ უთქვამს.