დღეს, ევროპარლამენტის სამოქალაქო თავისუფლებათა, მართლმსაჯულებისა და შინაგან საქმეთა კომიტეტში (LIBE) საქართველოსთვის სავიზო ლიბერალიზაციის თემას ისევ განიხილავენ. სხდომაზე მომხსენებელი მარია გაბრიელი რეკომენდაციას მისცემს კომიტეტს, რომ მხარი დაუჭიროს საქართველოსთვისთვის უვიზო მიმოსვლას.

კომიტეტის სხდომა 27 ივნისს იყო ჩანიშნული, თუმცა ბრიტანეთის რეფერენდუმთან დაკავშირებით, საგანგებო პლენარული სხდომის დანიშვნის გამო, სხვა თემებთან ერთად საქართველოს საკითხიც გადაიდო.

ევროკავშირის საბჭოში, საგარეო საქმეთა მინისტრები შეთანხმდნენ რომ სავიზო ლიბერალიზაციისთვის, საქართველომ ყველა კრიტერიუმი შეასრულა. გერმანიის საგარეო საქმეთა მინისტრის ფრანკ-ვალტერ შტაინმაიერის განცხადებით, ევროპარლამენტში რიგი ფორმალური საკითხები დარჩა გადასაწყვეტი, მათ შორის ივლისის ბოლომდე შეჩერების მექანიზმის ამოქმედების შესახებ ევროპარლამენტმა უნდა მიიღოს გადაწყვეტილება.

მისი თქმით, საქართველოსთვის ლოგიკურ გადაწყვეტილებამდე სექტემბრის მეორე ნახევარში მივლენ.