ოსკარის ნომინანტი მსახიობის, ტიმოთი შალამეს, მიმართ კრიტიკას Doja Cat სოციალურ ქსელებში გამოქვეყნებული პოსტით ეხმაურება.

თავდაპირველად, მუსიკოსმა თავის ტიკტოკის ანგარიშზე გამოაქვეყნა ვიდეო, რომელშიც საუბრობდა იმაზე, რამდენად აინტერესებს ხალხს ბალეტი და ოპერა.

ფოტო: Getty Images

"სხვათა შორის, ოპერა 400 წლისაა, ბალეტი კი — 500-ის. ვიღაც ტიმოთი შალამემ — სხვათა შორის, "დიდმა კაცმა" — გაბედა და კამერების წინ თქვა, რომ ისინი კაციშვილს აღარ აინტერესებს. მიდიხარ კოხტად გამოწყობილი, დააგდებ ერთ ადგილს და მოკეტავ. ასეთია ზოგადი ეტიკეტი და იქნებ აქედან რამე ისწავლო", — ამბობს გრემის მფლობელი მუსიკოსი, Doja Cat, ვიდეოში.

თუმცა, მუსიკოსმა მალევე ვიდეო წაშალა და ახალი გამოაქვეყნა, რომელშიც ჰყვება, რომ მან არაფერი იცის ოპერაზე ან ბალეტზე, ხოლო თეატრში კი საერთოდ არ ყოფილა. მუსიკოსმა დასძინა, რომ ვიდეო ცხელ გულზე ჩაწერა.

"ოპერისა და ბალეტის შესახებ საერთოდ არაფერი არ ვიცი, ნამყოფიც არ ვარ. მინდოდა, გმირივით გამოვჩენილიყავი და ასეც მოხდა. და როცა ეს რეაქცია მივიღე, დიდად აღარ მომეწონა.", — ჰყვება ის.

ფოტო: Getty Images

შეგახსენებთ, რომ თითქმის ერთი კვირაა, რააც ოსკარის ნომინანტი მსახიობი, ტიმოთი შალამე, კრიტიკის ქარცეცხლშია, მიზეზი კი მთელი მსოფლიოს წინაშე იმის თქმაა, რომ "ოპერა და ბალეტი არავის აინტერესებს".

გავრცელებულ ვიდეოში, ტიმოთი ამბობს, რომ მას არ სურს ოპერასა თუ ბალეტში მუშაობა. ""არ მინდა, ბალეტში, ოპერაში ან ისეთ სფეროში ვმუშაობდე, რომელიც კაციშვილს აღარ აინტერესებს, მაგრამ მაინც გევალება, სიცოცხლე შეუნარჩუნოთ", — თქვა შალამემ გავრცელებულ ვიდეოში.

ტიმოთი შალამეს კრიტიკაზე ჯერჯერობით კომენტარი არ გაუკეთებია.