ქართული ოცნების დანიშნულმა პრეზიდენტმა, მიხეილ ყაველაშვილმა, მიხეილ ყაველაშვილმა ნინოობის დღესასწაულთან დაკავშირებით 59 პირი შეიწყალა.

"ადმინისტრაციის ინფორმაციით, მიხეილ ყაველაშვილმა ნინოობის დღესასწაულთან დაკავშირებით 59 პირი შეიწყალა. შეწყალების აქტი შეეხო 57 მსჯავრდებულს, ხოლო 2 პირს მოეხსნა ნასამართლობა.

საქართველოს პრეზიდენტის მიერ მისთვის კონსტიტუციით მინიჭებული ექსკლუზიური უფლებამოსილების გამოყენება ეფუძნება ჰუმანიზმის პრინციპს, ასევე სახელმწიფო ინტერესს," — ვკითხულობთ ადმინისტრაციის გავრცელებულ განცხადებაში.

19 იანვარს, ნათლისღების დღესასწაულთან დაკავშირებით ყაველაშვილმა 159 პირი შეიწყალა. სინდისის პატიმრების ოჯახის წევრები, ახლობლები და მედიის წარმომადგენლები საპატიმროებთან დილიდან ელოდნენ მსჯავრდებულების შეწყალებას, მაგრამ აქტი არც ერთ სინდისის პატიმარს არ შეეხო.