Upgaming-ის Talent Growth არის კარიერული განვითარების ანაზღაურებადი პროგრამა დამწყები სპეციალისტებისთვის. ის მონაწილეებს საშუალბას აძლევს, გაიღრმავონ ცოდნა და დასაქმდნენ ერთ-ერთ ყველაზე დინამიკურ ტექ-კომპანიაში, რაშიც რეალურ პროექტებზე მუშაობა და ინდუსტრიის წამყვანი პროფესიონალები დაეხმარებიან.

თითოეულ სტატიაში პროგრამის ფარგლებში არსებულ პროფესიებს მიმოვიხილავთ – რას მოიცავს ისინი და როგორ ქმნის Upgaming საუკეთესო გარემოს სხვადასხვა პროფესიის სპეციალისტებისთვის.

ციფრულ სამყაროში ბრენდის წარმატებას მისი ხილვადობა განსაზღვრავს. ყველაზე ღირებულმა პროდუქტმაც კი შეიძლება დაკარგოს მნიშვნელობა, თუ ადამიანებს მისი მოძებნა გაუჭირდებათ. საძიებო სისტემის ოპტიმიზაცია (SEO) სწორედ ამ გამოწვევას პასუხობს: ის აკავშირებს ბრენდების შეთავაზებებს იმასთან, რასაც მომხმარებლები ინტერნეტში ეძებენ. აქედან გამომდინარე, SEO ერთ-ერთი ყველაზე მოთხოვნადი და სტრატეგიულად მნიშვნელოვანი უნარია მრავალ ინდუსტრიაში.

რა გამოარჩევს SEO სპეციალისტის როლს Upgaming-ში? კომპანია საერთაშორისო მასშტაბით ოპერირებს, რაც ნიშნავს, რომ აქ შემუშავებული SEO სტრატეგიები მილიონობით ადამიანისთვის ამარტივებს პროდუქტის აღმოჩენის შესაძლებლობას.

ამავდროულად კომპანიის ეკოსისტემა არაერთ ქვებრენდს აერთიანებს, რომლებსაც საკუთარი აუდიტორია და იდენტობა აქვს. ნაცვლად იმისა, რომ ერთი ზოგადი ტაქტიკა ყველა მიმართულებას მოერგოს, თითოეული მათგანი ინდივიდუალურ მიდგომასა და სტრატეგიას საჭიროებს. ეს არა მხოლოდ სამუშაო პროცესს ხდის უფრო მრავალფეროვანს, არამედ სპეციალისტებს აძლევს შესაძლებლობას ისწავლონ განსხვავებულ ბაზრებზე, პროდუქტებსა და მიზნობრივ აუდიტორიებზე მუშაობა.

აღსანიშნავია ისიც, რომ Upgaming-ის გუნდი პროფესიონალთა ფართო ქსელს აერთიანებს. კომპანიაში 500-ზე მეტი ადამიანი მუშაობს, SEO სპეციალისტებს კი მჭიდრო თანამშრომლობა უწევთ სხვადასხვა სფეროს წამყვან სპეციალისტებთან როგორებიც არიან დეველოპერები, დიზაინერები, კონტენტ კრეატორები და ა.შ.

რა ელოდებათ Talent Growth პროგრამის მონაწილეებს? ისინი გაეცნობიან SEO-ს ყველა ძირითად მიმართულებას: ტექნიკურ აუდიტებს, keyword research-ს, კონტენტის დაგეგმვას, ბექლინკების სტრატეგიებსა და ანალიტიკას. სწავლა საცდელი WordPress პროექტებით იწყება და ეტაპობრივად მუშაობა რეალურ ვებგვერდებზე გადადის.

სამუშაო პროცესში მონაწილეები იმუშავებენ ისეთ ხელსაწყოებთან, როგორებიცაა Google Analytics 4, Search Console, Ahrefs, Semrush, Screaming Frog და Looker Studio, ასევე გამოიყენებენ AI ინსტრუმენტებს კონტენტის გენერაციისა და მონაცემების ინტერპრეტაციისთვის.

პროგრამის პირველი თვე საფუძვლების შესწავლასა და საცდელ პროექტებზე მუშაობას დაეთმობა, მეორე თვიდან კი მონაწილეები თანდათან ჩაერთვებიან რეალურ პროექტებში, საწყის ეტაპზე მცირე დავალებებით, შემდეგ კი სრულფასოვანი სტრატეგიის დაგეგმვითა და შესრულებით.

რაც შეეხება მენტორებს, ისინი ყოველდღიურად ჩაატარებენ მინი-ვორქშოპებს, უკუკავშირის სესიებს და აქტიურად ჩაერთვებიან მონაწილეთა პროგრესში. შედეგად, პროგრამაში ჩართული ადამიანები სწავლობენ არა მხოლოდ SEO ინსტრუმენტების გამოყენებას, არამედ იმ აზროვნების ჩამოყალიბებას, რომელიც სჭირდება ეფექტურ სტრატეგს: როგორ ამოიცნოს პრობლემები, განსაზღვროს პრიორიტეტები და შეაფასოს მიღწეული შედეგები.

რეგისტრაცია შესაძლებელია 20 ოქტომბრამდე: შეარჩიე შენთვის საინტერესო მიმართულება: SEO, Backend და Game Development, 2D Game Art ან 2D Spine Animation და გახდი Upgaming-ის Talent Growth პროგრამის ნაწილი.