უკრაინის თავდაცვის სამინისტროს მებრძოლებმა მოახერხეს, ყირიმში "С-400"-ის საზენიტო-სარაკეტო სისტემიდან, რუსეთის რადარის დაზიანება. ამის შესახებ ინფორმაციას უკრაინის დაზვერვის ანგარიშზე დაყრდნობით, უკრაინული მედია ავრცელებს.

"2025 წლის 28 აგვისტოს, დაზვერვის მთავარი სამმართველოს აქტიური ქმედებების დეპარტამენტის სპეცრაზმელებმა, დროებით ოკუპირებული ყირიმის ტერიტორიაზე გაანადგურეს მტრის ძვირადღირებული რადიო ლოკაციური კომპლექსი C-400", — წერია დაზვერვის ანგარიშში.

შეგახსენებთ, რომ მანამდე უკრაინის დრონმა დააზიანა С-500 Prometheus-ის საჰაერო თავდაცვის სისტემის რადარი ყირიმში. ეს არის რადარი, რომელიც განკუთვნილია ბალისტიკური სამიზნეების, ჰიპერსონიკული აპარატების, "სტელს"-ობიექტების, დაბალორბიტალური თანამგზავრებისა და მაღალი მანევრირების უნარის მქონე აეროდინამიკური სამიზნეების დასაფიქსირებლად.