ბელგიის პოლიციამ დიდი ანტიტერორისტული ოპერაციის ფარგლებში 12 დაკავების ოპერაცია განახორციელა.

BBC-ის ინფორმაციით, დაკავებულები ტერაქტის მოწყობის დაგეგმვაში არიან ბრალდებულნი.

პოლიცია ძებნას ბრიუსელის მიმდებარედ არსებულ 16 მუნიციპალიტეტში აწარმოებდა. მათ შეამოწმეს 152 ჩაკეტილი გარაჟი.

ბელგიის პრემიერმინისტრმა ჩარლზ მიშელმა საზოგადოებას სიმშვიდისკენ მოუწოდა.

ფრანგული მედიის მიხედვით, ტერორიზმის ბრალით დაკავებულთაგან რამდენიმე პარასკევს, 17 ივნისს, ცენტრალურ ბრიუსელში ავტომობილში შენიშნეს. ადგილზე, სადაც დღეს, 18 ივნისს, ევრო 2016-ის ფარგლებში გამართული ბელგიისა და ირლანდიის გუნდების გულშემატკივრები მოიყრიან თავს და მატჩს დიდ ეკრანზე უყურებენ.

22 მარტს ბრიუსელის მეტროსა და აეროპორტში აფეთქებულმა ბომბებმა 32 ადამიანი იმსხვერპლა.