თიბისიში სჯერათ, რომ საკუთარი თავის რწმენა ადამიანს შეუძლებელს შეაძლებინებს, თუმცა, ამ გზაზე ხშირად გვჭირდება სხვა ადამიანი, რომელიც საკუთარ ძალებში დაგვარწმუნებს. ზოგჯერ სულაც ერთი გამამხნევებელი მზერა ან ხმამაღლა ნათქვამი სიტყვაა საჭირო, რომ საკუთარ თავში აღმოაჩინო ის ძალა, რომელიც თავდაჯერებულობას შეგმატებს და მტკიცე ნაბიჯების გადადგმაში დაგეხმარება. როცა შენი სჯერათ — შენი ოჯახის წევრებს, მეგობრებს, გულშემატკივრებსა და ზოგჯერ კი, სრულიად უცხო ადამიანებს, ეს გაძლევს რწმენას, რომ ყველაფერი გამოგივა მთავარია, გჯეროდეს!

თიბისიმ, ვიდეო რგოლში ადამიანების რეალური გამოცდილებებიდან გამომდინარე, ისეთი ცხოვრებისეული შთაბეჭდილებები შეკრიბა და აღბეჭდა, რომლებიც ძალიან ბევრ ადამიანს გამოუცდია. ეს ის გარდამტეხი მომენტებია, როდესაც სხვების მხარდაჭერა და რწმენა უდიდეს როლს თამაშობს: დაწყებული საეტაპო გამოცდილებიდან, როგორიც ეროვნული გამოცდები და სტუდენტობისათვის მზადებაა, დამთავრებული დიდ სცენაზე პირველი ამაღელვებელი გამოსვლით ან თუნდაც ისეთი ტრივიალური მოქმედებით, როგორიც თასმის შეკვრაა. სწორედ მსგავსი მარტივი ჭეშმარიტებების გამოცდაა ის, რაც ადამიანს შეუძლებელსაც შეაძლებინებს.

ნებისმიერ სირთულეს და გამოწვევას გადალახავ — მთავარია გჯეროდეს და სჯეროდეთ შენი, რადგან დიდი თავგადასავლის წინ, მნიშვნელოვანია, ვინ დგას შენ გვერდით. ამასთანავე, გახსოვდეს, რომ არ არსებობს არაფერი, რაც არ გამოვა და რომ ამ რწმენით ნაკარნახევი ყველა წამოწყების დასასრული გამარჯვებაა.