2025 წლის ევროვიზიის სიმღერის კონკურსი დასრულდა. წლევანდელი ევროფესტივალის გამარჯვებული ავსტრიელი JJ გახდა, სიმღერით Wasted Love. ჟიურისა და ტელემაყურებლისგან მან ჯამში 436 ქულა დაიმსახურა.

საქართველო ევროვიზია 2025-ზე მარიამ შენგელიამ წარადგინა, მაგრამ საკონკურსო სიმღერამ, სახელწოდებით Freedom ("თავისუფლება"), ევროპელი მაყურებელი ვერ მოხიბლა და ჩვენი ქვეყანა კონკურსს ნახევარფინალიდან გამოეთიშა.

ქვემოთ უფრო დეტალურად გაგაცნობთ, როგორ გადანაწილდა ქულები საქართველოდან და როგორი შეფასება დაიმსახურა მარიამ შენგელიამ ევროპისგან.

როგორ შეგვაფასეს

ევროვიზიის ფინალისტების გამოვლენაში მხოლოდ ტელემაყურებელი მონაწილეობს, ამდენად, ნახევარფინალებშიც მხოლოდ მაყურებლის დაწერილი ქულები ითვლება. ყველაზე მეტი ხმის მქონე მონაწილე ქვეყნისგან იღებს 12 ქულას, მეორე ადგილზე გასული — 10-ს, მესამეადგილოსანი — 8-ს და ა.შ.

წლევანდელი ევროვიზიის ნახევარფინალში საქართველოს ქულა მხოლოდ 5-მა ქვეყანამ დაუწერა. ჯამში ჩვენმა ქვეყანამ 28 ქულა მიიღო და ბოლოდან მეორე, მე-15 ადგილი დაიკავა.

  • 10 ქულა მივიღეთ სომხეთისგან

  • 7 ქულა — ისრაელისგან

  • 5 ქულა — საბერძნეთისგან

  • 3-3 ქულა — ლატვიისა და ლიეტუვისგან

არცერთი ქულა არ მიგვიღია ავსტრალიისგან, ფინეთისგან, ირლანდიისგან, ავსტრიისგან, დანიისგან, მალტისგან, ჩეხეთისგან, საფრანგეთისგან, გერმანიისგან, ლუქსემბურგისგან, მონტენეგროსგან, სერბეთისგან, გაერთიანებული სამეფოსა და დანარჩენი მსოფლიოსგან.

როგორ გადანაწილდა ქულები საქართველოდან

ნახევარფინალში ქართველი ტელემაყურებლის შეფასება ასე გამოიყურება:

  • 12 ქულა ერგო სომხეთს
  • 10 ქულა — ისრაელს
  • 8 ქულა — ლიეტუვას
  • 7 ქულა — ლატვიას
  • 6 ქულა — ავსტრიას
  • 5 ქულა — საბერძნეთს
  • 4 ქულა — ფინეთს
  • 3 ქულა — ჩეხეთს
  • 2 ქულა — მალტას
  • 1 ქულა — ავსტრალიას

რაც შეეხება ფინალს, ტელემაყურებლის ხმები საქართველოდან ასე გადანაწილდა:

  • 12 ქულა — სომხეთს
  • 10 ქულა — უკრაინას
  • 8 ქულა — ესტონეთს
  • 7 ქულა — ისრაელს
  • 6 ქულა — ლიეტუვას
  • 5 ქულა — ავსტრიას
  • 4 ქულა — ნორვეგიას
  • 3 ქულა — ალბანეთს
  • 2 ქულა — გერმანიას
  • 1 ქულა — შვედეთს

ტელემაყურებელთან ერთად, ფინალში ხმას ჟიურიც აძლევდა. საქართველოს ჟიურის დაწერილი ქულები კი ასე გამოიყურება:

  • 12 ქულა — იტალიას
  • 10 ქულა — დანიას
  • 8 ქულა — ლატვიას
  • 7 ქულა — ნიდერლანდებს
  • 6 ქულა — უკრაინას
  • 5 ქულა — საბერძნეთს
  • 4 ქულა — შვეიცარიას
  • 3 ქულა — სომხეთს
  • 2 ქულა — გერმანიას
  • 1 ქულა — ისრაელს

რიგით 69-ე ევროვიზიის სიმღერის კონკურსს შვეიცარიის ქალაქი ბაზელი მასპინძლობდა. ტრადიციისამებრ, ევროფესტივალი მომავალ წელს გამარჯვებულ ავსტრიაში გადაინაცვლებს.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...