"შიმშილის თამაშების" ფანებისთვის ახალი მასალა მზად არის – სიუზენ კოლინზის ახლად გამოსული რომანის, Sunrise on the Reaping-ის ეკრანიზაცია უკვე გზაშია და პირველი მსახიობებიც ცნობილია.

ფილმი ორ ათეულ წელზე მეტი ხნით ადრე ვითარდება, ვიდრე ორიგინალი ტრილოგია, სადაც ჯენიფერ ლოურენსის პერსონაჟი, კატნის ევერდინი ვიცნობთ. პრიქველი მოგვითხრობს თინეიჯერი ჰეიმიჩ აბერნატის ისტორიას – იმავე პერსონაჟის, რომელსაც ძირითად სერიაში ვუდი ჰარელსონი ასახიერებდა. Sunrise-ში ის საკუთარ შიმშილის თამაშებში მონაწილეობს და კაპიტოლიუმის მბრძანებლობას ეწინააღმდეგება.

Sunrise on the Reaping-ის წიგნი 2025 წლის 18 მარტს გამოვიდა, ხოლო ფილმის პრემიერა უკვე 2026 წლის 20 ნოემბერსაა დაგეგმილი. გთავაზობთ ამ ეტაპზე დადასტურებულ მსახიობთა ჩამონათვალს:

ლილი ტეილორი – მაგს ფლანაგანი

ლილი ტეილორი შეასრულებს მაგს ფლანაგანის როლს – შიმშილის თამაშების კიდევ ერთი გამარჯვებული, რომელიც ჰეიმიჩს ეხმარება. ტეილორი ცნობილი მსახიობია ფილმებით Mystic Pizza, Short Cuts, I Shot Andy Warhol და სხვები. მალე ის გამოჩნდება ნეტფლიქსის ჰორორში Fear Street: Prom Queen.

მაია ჰოუკი – უაირეს

ნეტფლიქსის სერიალ Stranger Things-ის ვარსკვლავი, მაია ჰოუკი, განასახიერებს უაირესს – ტექნოლოგიებში კარგად განსწავლულ და ექსცენტრულ გამარჯვებულს, რომელიც თავდაპირველად ფილმში Catching Fire-ში გამოჩნდა ამანდა პლამერის შესრულებით. ჰოუკი ასევე თამაშობდა ფილმებში: Asteroid City, Do Revenge და Once Upon a Time in Hollywood.

ჯოზეფ ზადა – ჰეიმიჩ აბერნათი

მიუხედავად იმისა, რომ ჰარელსონის პერსონაჟის ბედი ცნობილია, პრიქველი გვიჩვენებს მის გზას 16 წლის ასაკში, როცა პანემის მე-12 ოლქში რთულ ცხოვრებას ებრძვის და საკუთარ დაბადების დღეს არენაზე ხვდება. ახალგაზრდა ჰეიმიჩს ჯოზეფ ზადა განასახიერებს – 20 წლის ავსტრალიელი მსახიობი, რომელიც ასევე მონაწილეობს ნეტფლიქსის East of Eden-სა და Prime Video-ს We Were Liars-ში.

უიტნი პიკი – ლენორ დოუვ ბეირდი

ლენორი კოვების ჯგუფის წევრია – მოგზაური მუსიკოსები და მთხრობელები, ზუსტად როგორც ლუსი გრეი ბეირდი. ის ჰეიმიჩის დიდი სიყვარულია. უიტნი პიკი ცნობილია სერიალებიდან Gossip Girl და Chilling Adventures of Sabrina, ასევე მონაწილეობდა საბრინა კარპენტერის ვიდეოში (Nonsense)

მაკენა გრეისი – მეისილი დონერი

მეისილი დონერი – მაღაზიის მეპატრონის ქალიშვილია, რომელიც ჰეიმიჩთან ერთად შიმშილის თამაშებში ხვდება. ის ხდება კატნისის სიმბოლოს – კაჭკაჭჯაფარას ნიშნის – თავდაპირველი მფლობელი. მაკენა გრეისი ცნობილი მსახიობი და მომღერალია, ითამაშა I, Tonya-ში და სერიალებში The Handmaid’s Tale (სადაც ემი მოიპოვა) და Ghostbusters: Afterlife-ში.

ჯესი პლემონსი – პლუტარქ ჰევენსბი

პლუტარქი – კაპიტოლიუმის მდიდარი ოპერატორია, რომელიც თამაშების კამერებს ამუშავებს და თან სნოუს წინააღმდეგ შეთქმულებაშია ჩართული. ორიგინალურ ტრილოგიაში ის თამაშების მთავარ შემქმნელად გვევლინება. ამ როლს ჯესი პლემონსი შეასრულებს – მსახიობი, რომელიც ცნობილია სერიალებით Breaking Bad, Fargo, Black Mirror და ფილმებით The Master, The Irishman, Killers of the Flower Moon.

კელვინ ჰარისონ უმცროსი – ბიტი ლატიერი

კელვინ ჰარისონი განასახიერებს ბიტის – ტექნოლოგიური გონების გამარჯვებულს, რომელიც პირველად Catching Fire-ში გამოჩნდა. ჰარისონი მონაწილეობდა ფილმებში Luce, The Trial of the Chicago 7, Chevalier, Elvis და ანიმაციურ პრიქველში Mufasa, სადაც ახალგაზრდა სკარი, ტაკა, გაახმოვანა.