POLITICO-ს ცნობით, პრეზიდენტმა ტრამპმა კაბინეტს ილონ მასკის თანდასწრებით განუცხადა, რომ "მთავრობის ეფექტიანობის დეპარტამენტი" (DOGE) სხვა დეპარტამენტებისათვის მხოლოდ რეკომენდაციებს გასცემს, საბოლოო სიტყვა კი მნიშვნელოვან გადაწყვეტილებებზე ხელმძღვანელებს ექნებათ.

შეხვედრის გამართვის მიზეზი მასობრივი დათხოვნები და Tesla-ს მფლობელის მიერ საჯარო მოხელეების მიმართ გამოთქმული მუქარები გახდა. DOGE-ს ქმედებებს მტკიცე წინააღმდეგობა შეხვდა სასამართლოში და მნიშვნელოვნად გააკრიტიკეს დემოკრატმა კანონმდებლობემა, ისევე როგორც რესპუბლიკელთა ნაწილმა.

გამოცემის წყაროს ცნობით, მასკმა გარკვეული გადაცდომები და შეცდომები აღიარა. დონალდ ტრამპის თქმით, მას პატიოსანი და გამოცდილი საჯარო მოხელეების შენარჩუნება სურს და არა მათი მასობრივი დათხოვნა — მიუხედავად ამისა, მისმა ადმინისტრაციამ გასულ კვირებში ათიათასობით დასაქმებული დაითხოვა. არაერთმა მოსამართლემ დაადგინა, რომ ხშირ შემთხვევაში მსგავსი გათავისუფლებები არ იყო დაფუძნებული დასაქმებულის პერფორმანსზე და არღვევდა შრომით კანონმდებლობას.