დემოკრატი კონგრესმენი ელ გრინი აცხადებს, რომ აშშ-ის პრეზიდენტის დონალდ ტრამპის იმპიჩმენტის შესახებ შუამდგომლობის შეტანას აპირებს მას შემდეგ, რაც ტრამპა თქვა, რომ ღაზას სექტორზე კონტროლის დამყარებას აპირებს. ამის შესახებ The Hill წერს.

"პრეზიდენტის იმპიჩმენტის პროცესი დაწყებულია", - თქვა გრინმა.

"მე ვაცხადებ, რომ ბრალს წაუყენებ პრეზიდენტს მისი საზიზღარი წინადადებებისა და ბოროტი ქმედებებისთვის", — თქვა გრინმა პალატის სხდომაზე.

სამშაბათს ისრაელის პრემიერმინისტრ ბენიამინ ნეთანიაჰუსთან შეხვედრაზე ტრამპმა წამოაყენა იდეა, რომ შეერთებულმა შტატებმა შეიძლება აიღოს ღაზას სექტორის მართვა. მისი თქმით, ამერიკელები პასუხისმგებელნი უნდა იყვნენ ომით განადგურებული რეგიონის გაწმენდასა და აღდგენაზე, თუმცა მან არ დააკონკრეტა, თუ ვინ შეძლებს იქ ცხოვრებას.

დემოკრატებმა მაშინვე გააკრიტიკეს ტრამპის კომენტარები და ღაზას სექტორის კონტროლის იდეას "ეთნიკური წმენდა" უწოდეს.

გრინი იყო ერთ-ერთი მათგანი, ვინც ტრამპის პირველი იმპიჩმენტის ინიცირება დაიწყო 2017 წელს. ოთხშაბათს მან თქვა, რომ მან კვლავ "ჩაუყარა საფუძველი იმპიჩმენტს".

შეგახსენებთ, რომ სენატორი გრინი 4 მარტს კონგრესის დარბაზიდან მას შემდეგ გააძევეს, რაც მან აშშ-ს პრეზიდენტს სიტყვა გააწყვეტინა და დაიყვირა: ტრამპს არ აქვს მანდატი, შეუმციროს სამედიცინო დახმარება ღარიბებს. პალატის სპიკერმა მაიკ ჯონსონმა წესრიგი ითხოვა, მაგრამ გრინი არ დაჯდა. რის შემდეგაც, ის დარბაზიდან გაიყვანეს.

The Guardian

The Guardian

ფოტო: The Guardian

ტრამპის სიტყვის გამოსვლის დროს, დემოკრატი კონგრესმენებს ეჭირათ ბარათები და ფურცლები წარწერებით: "ეს სიცრუეა", "ეს არ არის ნორმალური", ერთ-ერთ კონგრესმენს ეცვა მაისური წარწერით: "აქ არ ცხოვრობენ მეფეები", ზოგიერთმა მათგანმა კი დარბაზი დატოვა.

პრეზიდენტმა სიტყვის შეწყვეტის შემდეგ განაცხადა, რომ დემოკრატებს ვერაფრით გაახარებს.

"ეს არის ჩემი მეხუთე გამოსვლა კონგრესში და კიდევ ერთხელ ვუყურებ დემოკრატებს და ვხვდები, რომ აბსოლუტურად ვერაფერს ვიტყვი, რომ მათ აგუხარდეთ, ფეხზე წამომდგნენ, გაიღიმონ და ტაშ დაუჯრან", — აღნიშნა აშშ-ს პრეზიდენტმა.