სამხრეთ ინდოეთში, 12 წლის სკოლის მოსწავლემ სიცოცხლე თვითმკვლელობით დაასრულა, მას შემდეგ, რაც მასწავლებელმა მენსტრუაციით დატოვებული სისხლის კვალის გამო საჯაროდ დასცინა.

თვითმკვლელობის წინ დაწერილ წერილში, მან დაწერა, რომ მასწავლებელი "აწამებდა", თუმცა რეალური მიზეზი არ აღუნიშნავს.

გარდაცვლილი გოგოს დედა ამბობს, რომ მასწავლებელმა მას საკლასო ოთახი დაატოვებინა ლაქის გამო.

ინდოეთის ნაწილში მენსტრუაციას ტაბუ ადევს. ამ დროს, ქალები უწმინდურებად ითვლებიან.

"დედა, გთხოვ მაპატიე. არ ვიცი, რატომ მსაყვედურობს მუდამ მასწავლებელი ან რატომ დამცინის ყველა და შეურაცხყოფას მაყენებს" - ეწერა არასრულწლოვანის მიერ დატოვებულ წერილში.

გარდაცვლილის დედის თქმით, მასწავლებელმა მის შვილს ერთხელ, დავალების არ ქონის გამო, საჯაროდ სცემა. ხოლო როდესაც მას გაკვეთილების დროს მენსტრუაცია მოუვიდა და სკოლის დატოვება ითხოვა, მასწავლებელმა ის კლასიდან გააგდო და გამოსაყენებლად ტილო მისცა. მან ამ ამბიდან მეორე დღეს მოიკლა თავი.

"12 წლის ბავშვი ასეთ დამცირებას როგორ გადაიტანდა?" - ამბობს დაღუპულის დედა.

როგორც ცნობილია, სკოლა გამოძიების პროცესში ჩართულია.