UEFA-ს ეთიკისა და დისციპლინის კონტროლის დამოუკიდებელმა ორგანომ, რუსეთის ფეხბურთის გაერთიანების წინააღმდეგ დღეს, 14 ივნისს, სანქციის სახით, რუსეთის ეროვნულ ნაკრებს 2016-ის დასრულებამდე პირობითი დისკვალიფიკაცია განუსაზღვრა, გარდა ამისა, მასვე დაეკისრა ჯარიმა 150 000 ევროს ოდენობით.

უეფას გადაწყვეტილებით, თუკი მსგავსი სახის ინციდენტი ისევ განმეორდება სტადიონზე ევრო 2016-ის მატჩებზე, რუსეთის ნაკრები დატოვებს ჩემპიონატს.

UEFA-მ რუსეთის ფეხბურთის გაერთიანების წინააღმდეგ, დისციპლინარული სამართალწარმოება დაიწყო, მას შემდეგ რაც ევრო 2016-ის ფარგლებში რუსეთ-ინგლისის ნაკრების თამაშისას რუსმა გულშემატკივრებმა ინგლისელებს სცემეს, გამოიყენეს აკრძალული მაშხალები და იქცეოდნენ რასისტულად.

12 ივნისს მომხდარი იცნიდენტის შედეგად, ინგლისის ნაკრების ათეულობით გულშემატკივარი მძიმედ დაშავდა.

ამავე დროს, საფრანგეთიდან რუსეთის ნაკრების 29 ფანის დეპორტაცია მოხდა. ფრანგული პოლიციის ცნობით, არეულობებში: "150 კარგად გაწვრთნილი ხულიგანი" მონაწილეობდა.

ინგლისი-რუსეთის მატჩზე დაშავებული ბრიტანელი ფანები საავადმყოფოში რჩებიან