სანქტ-პეტერბურგის აეროპორტმა ფრენები დროებით შეაჩერა, — ამის შესახებ ინფორმაციას რუსული საინფორმაციო სააგენტო ინტერფაქსი რუსეთის საჰაერო ტრანსპორტის ფედერალური სააგენტოზე (როსავიაცია) დაყრდნობით ავრცელებს.

"სამოქალაქო თვითმფრინავების ფრენების უსაფრთხოების უზრუნველსაყოფად, დღეს, მოსკოვის დროით 07:45 საათიდან სანქტ-პეტერბურგის პულკოვოს აეროპორტში დროებითი შეზღუდვები დაწესდა", — აცხადებს როსავიაცია.

რუსეთის საჰაერო ტრანსპორტის ფედერალურ სააგენტოს ფრენების შეჩერების კონკრეტული მიზეზი არ დაუსახელებია, თუმცა რუსეთის თავდაცვის უწყების ცნობით, ქვეყნის სხვადასხვა ოლქებში 16 უკრაინული დრონი ჩამოაგდეს.