La Gazzetta Dello Sport Georgia-ს მთავარი რედაქტორი, შაკო შიუკაშვილი Facebook-ზე აქვეყნებს პოსტს, რომელშიც ამბობს, რომ აქციის დაშლისას სპეცრაზმმა დააკავა სპორტული გამოცემის ჟურნალისტი ნიკა სვანიძე და მისი ძმები, აჩი და თენგო სვანიძეები.

"ეს ბიჭები თენგო, აჩი და ნიკა სვანიძეები არიან. გუშინ სამივე ერთად დაიჭირეს. ნიკა სვანიძე ჩვენი რედაქციის წევრია. მასზე წესიერი ადამიანი ალბათ ცოტა თუ შემხვედრია. სიტყვებიც არ მყოფნის, რა ვთქვა ისიც არ ვიცი — ესეთ წესიერ ადამიანს რომ დაიჭერ", — ვკითხულობთ შაკო შიუკაშვილის პოსტში.

შსს-ის ინფორმაციით, 6-7 დეკემბრის ღამით პოლიციამ აქციის 50 მონაწილე დააკავა. აღსანიშნავია, რომ როცა პროტესტის ძალადობრივი დაშლა დაიწყო, ის მშვიდობიან ხასიათს ატარებდა, რასაც სახალხო დამცველიც ადასტურებს.