ხელახალი საპარლამენტო არჩევნების ჩატარების მოთხოვნით ზუგდიდში საპროტესტო აქცია მიმდინარეობს.

პოლიტიკოსები, არასამთავრობო ორგანიზაციების წარმომადგენლები და სხვა მოქალაქეები თავდაპირველად ზუგდიდის ბულვარში შეიკრიბნენ, ერთი საათის შემდეგ კი მსვლელობა დაიწყო, მათ სამანქანო გზებზეც გადაინაცვლეს და რუსთაველის გამზირი გადაკეტეს.

"ქართულ ოცნებას აუცილებლად მოუწევს არჩევნების გაყალბების აღიარება და ხელახალი არჩევნების ჩატარება. ქართველი ხალხი ბრძოლას ბოლომდე მიიყვანს და აუცილებლად გავიმარჯვებთ ამ ბრძოლაში. აუცილებლად უნდა დაინიშნოს ხელახალი არჩევნები და აუცილებლად უნდა წავიდეს ეს ქვეყანა დასავლეთისკენ". — ამბობს აქციის ერთ-ერთი ორგანიზატორი არჩილ თოდუა.

ბოლო ინფორმაციით, ქალასი ოთხივე მხრიდან ჩაკეტილია ერთ-ერთი ცენტრალური პერიმეტრის სამანქანო გზაჯვარედინი.