ინდოეთის ქალაქ მუმბაიში მოქალაქეებმა ცისფერი ძაღლები დააფიქსირეს. თუმცა ცხოველების ფერისცვალების მიზეზის გაგების შემდეგ, თქვენი ცნობისმოყვარეობა კარგი განწყობით ნამდვილად არ შეიცვლება.

როგორც აღმოჩნდა, ძაღლები მდინარის იმ წყალს სვამდნენ, რომლებიც ნარჩენების ჩაყრის შემდეგ მოიწამლა.

მოწამვლის შემდეგ ფერშეცვლილი თეთრი ძაღლი.

ფოტო: Arati Chauhan

ძაღლების გარდა, გარემოს დაბინძურება ფრინველებსა და თევზებზეც უარყოფითად აისახება.

მუმბაის ცხოველთა დაცვის ხაზის წარმომადგენელი ამბობს, რომ მოქალაქეებმა მთავრობას წყლის ხარისხისა და მისი სისუფთავის გამორკვევა მოსთხოვეს.

მდინარის შემოწმების შემდეგ, აღმოჩნდა, რომ 1 ლიტრ წყალში ჟანგბადის ბიოქიმიური მოთხოვნილების (BOD) შემადგენლობა 80 მილიგრამი იყო. ხოლო დაფიქსირებული ქლორის ხარისხი იმდენად მომწამვლელი იყო, რომ ის დიდ ზიანს მიაყენებდა ცხოველებს, მცენარეებს და წყლის ბინადრებს.

ქალაქის მთავრობა წყლის გაწმენდისა და მისი სამომავლოდ დაბინძურებისგან პრევენციის პირობას დებს.