ლონდონის ეროვნულმა გალერეამ, ეკო აქტივისტების მიერ, ნამუშევრებზე თავდასხმის შემდეგ, მუზეუმის სივრცეში სითხის შეტანა აკრძალა.

ლონდონის ეროვნულ გალერეაში იკრძალება გადამუშავებული სითხეებისა და სითხის შემცველი მედიკამენტების შეტანა.

მუზეუმმა აღნიშნული გადაწყვეტილება Just Stop The Oil-ის ეკო აქტივისტების სერიული თავდასხმების შემდეგ მიიღო.

Just Stop The Oil-ის აქტივისტები ლონდონის ეროვნულ გალერეას, 2022 წლის ივლისიდან, ჯამში ხუთჯერ დაესხნენ თავს - აქამდე, აქტივისტებმა ვინსენტ ვან გოგის მზესუმზირების, ჯონ კონსტებლის ჰეი ვეინის და დიეგო ველასკესის ვენერა-ს დაზიანება სცადეს საღებავებით.

"სამწუხაროდ, მივედით იმ ეტაპამდე, რომ იძულებულები ვხდებით, ვიმოქმედოთ და დავიცვათ ჩვენი სტუმრები, პერსონალი და ნამუშევრები", — განაცხადა მუზეუმის წარმომადგენელმა.