დიდი ბრიტანეთის ყოფილი პრემიერ-მინისტრი, ბორის ჯონსონი საკუთარ მემუარებში წერს, რომ 2017 წელს, საგარეო საქმეთა მინისტრობის დროს, საკუთარი ბენიამინ ნეთანიაჰუსთან შეხვედრას მართავდა, როცა ამ უკანასკნელმა საპირფარეშოთი სარგებლობა ითხოვა. ამ შემთხვევიდან მალევე, ჯონსონის ტუალეტში მოსასმენი მოწყობილობა აღმოაჩინეს.

ამის შესახებ ინფორმაციას გამოცემა Daily Telegraph, ბრიტანეთის ყოფილი პრემიერ-მინისტრის მემუარებზე დაყრდნობით ავრცელებს.

“ეს შეიძლება დამთხვევა იყოს, ან არ იყოს, მაგრამ მე მითხრეს, რომ მოგვიანებით, როდესაც უსაფრთხოების სამსახური რუტინულ შემოწმებას ატარებდა, ტუალეტში მოსასმენი მოწყობილობა იქნა ნაპოვნი” - წერს ჯონსონი მემუარებში.

გამოცემის მიერ დასმული კითხვაზე, შეუძლია თუ არა ყოფილ პრემიერ-მინისტრს ამ თემაზე დამატებითი დეტალების მოწოდება მან განაცხადა, რომ ამ ეპიზოდის შესახებ ინფორმაცია დეტალურად არის წიგნში მოცემული.

ამასთან, 2019 წელს Politico წერდა, რომ შეერთებული შტატების მთავრობამ ბოლო ორი წლის განმავლობაში დაასკვნა, რომ თეთრ სახლთან და სხვა საიდუმლო ლოკაციებთან აღმოჩენილი მობილური ტელეფონის თვალთვალის მოწყობილობების განლაგების უკან, სავარაუდოდ, ისრაელი იდგა.