რუსეთის პრეზიდენტი ვლადიმერ პუტინი აგვისტოს ომის წლისთავზე, 8 აგვისტოს, აფხაზეთში ჩავიდა და დე-ფაქტო რესპუბლიკის პრეზიდენტს შეხვდა. აღნიშნულ ფაქტს განცხადებით გამოეხმაურა აშშ-ს სახელმწიფო დეპარტამენტი:

"ამერიკის შეერთებული შტატები მიიჩნევს, რომ რუსეთის პრეზიდენტის ვიზიტი საქართველოს ოკუპირებულ რეგიონში, აფხაზეთში, არის შეუფერებელი და შეუსაბამო ჟენევის საერთაშორისო მოლაპარაკებების პრინციპებისა, რომლის ნაწილის არის რუსეთი. აშშ სრულად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, ასევე გმობს რუსეთის მიერ აფხაზეთისა და სამხრეთ ოსეთის აღიარებას. აშშ მოუწოდებს რუსეთს, გაიყვანოს თავისი ძალები და დააბრუნოს 2008 წლის ომამდე არსებულ პოზიციებზე, დაიცვას ცეცხლის შეწყვეტის შესახებ შეთანხმება და უკან წაიღოს საქართველოს რეგიონების, სამხრეთ ოსეთისა და აფხაზეთის, აღიარება".