სფენი ჯენტუ პინგვინი იყო, პინგვინთა ეს სახეობა სიდიდით მესამე ადგილს იკავებს იმპერატორისა და მეფის პინგვინების შემდეგ. ეს არის სუბ-ანტარქტიკული სახეობა, რომელიც საშუალოდ 12-დან 13 წლამდე ცხოვრობს და ძალიან რომანტიკული მონოგამისტები არიან.

სფენი მთელი მსოფლიოს მასშტაბით ცნობილი თავისი ხანგრძლივი გეი ურთიერთობით გახდა. ის ავსტრალიაში, სიდნეიში ცხოვრობდა და 11 წლის ასაკში გარდაიცვალა.

2018 წელს წყვილმა ბუდის შენება და თანაცხოვრება დაიწყო Sea Life Sydney Aquarium-ში, რის შემდეგაც სფენი და მისი 9 წლის პარტნიორი მეჯიქი "საერთაშორისო ქვიარ სიმბოლოდ" იქცნენ.

თანაცხოვრების პერიოდში საინკუბაციო კვერცხების დახმარებით ისინი ორი პინგვინის მშობლებიც გახდნენ. სფენიმ და მეჯიქმა გამოჩეკას თავი შესანიშნავად გაართვეს.

ფოტო: Getty Images

სფენის ჯანმრთელობის მდგომარეობა სიკვდილამდე რამდენიმე დღით ადრე გაუარესდა, აკვარიუმის ვეტერინარული ჯგუფი რთული გადაწყვეტილების წინაშე დადგა, ისინი იძულებულნი გახდნენ სფენისთვის ევთანაზია გაეკეთებინათ, რათა ის გაუსაძლისი ტკივილი, რომელსაც გრძნობდა, საბოლოოდ დასრულებულიყო.

"სფენის დაკარგვა ყველასთვის დიდი დანაკლისია, პინგვინებისთვის, ჩვენი გუნდისთვის და მათთვისაც, ვისზეც სფენისა და მეჯიქის ისტორიამ დიდი გავლენა მოახდინა, მთელი გუნდი ახლა მეჯიქზეა კონცენტრირებული, რადგან რაც შეიძლება მალე შეძლოს მომზადება გამრავლების პირველი სეზონისთვის" — განაცხადა აკვარიუმის გენერალურმა მენეჯერმა რიჩარდ დილმა.

@sealifesydneyaquarium 🌈💔 We're heartbroken to share the news that Sphen, one-half of the world’s most famous and loved gentoo penguin couples, has sadly passed away. Sphen and Magic, our beloved 'penguin power couple,' made global headlines in 2018 for their beautiful same-sex relationship, inspiring millions around the world with their story of love, equality, and devotion. Sphen’s legacy will live on through the love he shared with Magic and the important conservation messages they helped us spread. We invite Sphen's fans to leave a tribute by sharing their messages on our website. Your words will help us keep his memory alive. 💙🐧 Click the #LinkInBio to leave your tribute. #ConservationHeroes #PenguinPowerCouple #LoveIsLove #LGBTQIA+ #PenguinsOfInstagram #ValeSphen #Penguin #Love #Conservation #SeaLifeSydneyAquarium #SeaLifeSydney #SeaLife #Sydney #DarlingHarbour #SydneyCBD ♬ original sound - SEA LIFE Sydney Aquarium

მეჯიქი და სფენი ექვსი წლის განმავლობაში იყვნენ ერთად, აკვარიუმის თანამშრომლებმა მათ შორის მიზიდულობა მაშინ შეამჩნიეს, როდესაც დაინახეს, რომ ისინი ერთმანეთს ეხვეოდნენ — ეს ჯენტო პინგვინების ფლირტის ერთ-ერთი ხერხია.

მათი სიყვარულის მომსწრე ადამიანებმა სფენის პატივი მიაგეს და აკვარიუმის ვებსაიტზე სამძიმრის წერილებიც გამოაქვეყნეს:

"სფენი და მეჯიქი თანასწორების სიმბოლოები იყვნენ. გული მწყდება მის გამო; შენ სამყაროს იმდენი ასწავლე, რომ ჩვენ უბრალოდ ვერასდროს დაგივიწყებთ" — წერენ სფენის ფანები.