Prime Video-მ სერიალის "ბეჭდების მბრძანებელი: ძალაუფლების ბეჭდები" მეორე სეზონის პირველი ტრეილერი გამოაქვეყნა — ცნობილია პრემიერის თარიღიც. შოუს პრემიერა 29 აგვისტოს შედგება.

სერიალის მეორე სეზონი საურონის დაბრუნებისადმი არის მიძღვნილი, რომელსაც ძალების აღდგენა და ძალაუფლების ბეჭდების შექმნის გაკონტროლება მოუწევს, რომელთა მეშვეობითაც ის შუახმელეთის ხალხების დამორჩილებას აპირებს.

სერიალის პროდიუსერები ჯონ დი პეინი და პატრიკ მაკკეი განმარტავენ, რომ სიუჟეტში შუახმელეთის მეორე ეპოქის ყველა გადამწყვეტი ისტორიაა თავმოყრილი: ძალაუფლების ბეჭდების შექმნა, ბნელი ლორდი საურონის აღზევება, ნუმენორის ეპიკური საგა და ელფებსა და ადამიანებს შორის უკანასკნელი ალიანსის დრამა.

პოპულარული სერიალის ახალი ფოტოები Prime Video-მ INSTAGRAM-ზეც გამოაქვეყნა.

მთავარ როლებს სერიალში მორფიდ კლარკი, პიტერ მულანი, რობერტ არამაიო, ისმაელ კრუს კორდოვა, ჯოზეფ მოული, სოფია ნომვეტე და სხვები ასრულებენ.

ცნობისთვის, ყველაზე ძვირადღირებულ სერიალად წოდებული შოუს პრემიერა 2022 წელს შედგა. მის საშუალო რეიტინგი iMDb-ზე 6,9 ქულაა.