დღეს, 5 ივლისს, მოსკოვში უნგრეთის პრემიერ მინისტრ ვიქტორ ორბანსა და რუსეთის პრეზიდენტ ვლადიმერ პუტინს შორის შეხვედრა შედგა.

რუსეთის პრეზიდენტმა მას, როგორც "დიდი ხნის პარტნიორს", კრემლში უმასპინძლა.

რუსეთის პრეზიდენტმა განაცხადა, რომ ისინი აპირებენ უკრაინაში არსებული სიტუაციის "ყველა ნიუანსის განხილვას" .

ასევე, განხილვის საგანი უნდა ყოფილიყო რუსეთის მიერ მაისში წამოყენებული მოთხოვნებიც, რომელიც მოიცავს კიევის მხრიდან რუსეთისთვის ოთხი პროვინციის დათმობას და პირობას, რომ ნატოს არასოდეს შეუერთდება.

შეხვედრას დასავლეთის მხრიდან უარყოფითი რეაქციები და გაღიზიანება მოჰყვა, რაზეც განაცხადეს, რომ "უნგრეთის პრემიერ-მინისტრი არ წარმოადგენს მათ და მათ პოზიციებს".

"ჩვენ ნელ-ნელა გვეცლება ქვეყნები, რომლებსაც შეუძლიათ კონფლიქტის ორივე მხარესთან საუბარი. მალე უნგრეთი იქნება ერთადერთი ქვეყანა ევროპაში, რომელსაც შეეძლება საუბარი ყველასთან", — განაცხადა ორბანმა.