მოკლედ: პარტია საქართველოსთვის პრეზიდენტის მიერ შეთავაზებულ "ქართულ ქარტიაზე" ხელს არ მოაწერს.

  • ამის შესახებ დღეს, 3 ივნისს, პარტიის წევრმა ბექა ლილუაშვილმა განაცხადა.

დეტალები: პარტიის განცხადებით, უერთდებიან ქარტიაში წარმოდგენილი რეფორმების ნაწილს, თუმცა, ქარტიით გათვალისწინებული რიგგარეშე არჩევნების და დროებითი მთავრობის ფორმირების საკითხზე განსხვავებული აზრი აქვთ:

  • "რაც შეეხება რიგგარეშე არჩევნების ჩატარების და, შესაბამისად, დროებითი მთავრობის ფორმირების საკითხს, მიგვაჩნია, რომ ამ საკითხზე მსჯელობა პოლიტიკურ და სამართლებრივ ჩიხამდე მიდის. რიგგარეშე არჩევნებზე საუბარი 26 ოქტომბრის არჩევნების, როგორც გადამწყვეტი არჩევნების, მნიშვნელობას აზიანებს. ჩვენი გუნდი ამ საკითხსა და შემოთავაზებული სახით მთავრობის ფორმირებაზე პასუხისმგებლობას ვერ აიღებს".

კონტექსტი: 26 მაისს, პრეზიდენტმა სალომე ზურაბიშვილმა წარადგინა გეგმა — ქართულ ქარტია, რომლით გათვალისწინებული ნაბიჯები, დოკუმენტის ხელმომწერმა პარტიებმა უნდა გადადგან, არჩევნებში გამარჯვების შემდეგ.

  • ქარტია არის გეგმა, რომლით გათვალისწინებული ნაბიჯები, დოკუმენტის ხელმომწერმა პარტიებმა უნდა გადადგან, არჩევნებში გამარჯვების შემდეგ.

გაიგე მეტი: ოპოზიციის ნაწილი მზადაა, პრეზიდენტის "ქართულ ქარტიას" შეუერთდეს — რას გვთავაზობს სალომე ზურაბიშვილი

დღეს, 3 ივნისს, ოპოზიციის ლიდერები ორბელიანების სასახლეში 11:00 საათიდან მიდიან და პრეზიდენტის მიერ შეთავაზებულ "ქართულ ქარტიაზე" აწერენ ხელს.

  • დოკუმენტს ხელი უკვე მოაწერა ეკა ბესელიამ, ზურაბ ჯაფარიძემ (გირჩი — მეტი თავისუფლება) და ელენე ხოშტარიამ (დროა).
  • ცნობილია, რომ გარდა პარტია საქართველოსთვის, ქარტიაზე ხელს არც გირჩი მოაწერს.

ამ თემაზე: იაგო ხვიჩიას თქმით, გირჩი "ქართულ ქარტიას" ხელს არ მოაწერს