მოკლედ: მოსკოვის მერიამ გააფრთხილა ეროტიკული წვეულებების ორგანიზატორები, აკრძალონ ნებისმიერი ღონისძიება, რომელიც დაკავშირებულია სექსუალურ თემებთან.

  • დოჟდის ინფორმაციით, ამის შესახებ ნათქვამია Kinky Party საზოგადოების ტელეგრამის არხზე, რომლებიც ორგანიზებას უწევდნენ ეროტიული შინაარსის წვეულებებს.
  • ორგანიზატორები გეგმავენ, წვეულებები საქართველოში გამართონ.

დეტალები: "მიუხედავად იმისა, რომ ჩვენი ღონისძიებები ყოველთვის ემორჩილებოდა კანონს და მიზნად ისახავდა თავისუფალი გამოხატვისთვის უსაფრთხო, პატივისცემაზე დაფუძნებული გარემოს შექმნას, მივიღეთ გაფრთხილება, რომ ნებისმიერი ღონისძიება, რომელიც დაკავშირებულია სექსუალურ თემებთან, არ იქნება დაშვებული“, — წერენ ორგანიზატორები.

  • შემდეგი დახურული წვეულება მოსკოვში 17 თებერვალს უნდა გამართულიყო, თუმცა ხელისუფლების ზეწოლის გამო, ის გაუქმდა.
  • Kinky Party-ს ორგანიზატორებმა აღნიშნეს, რომ შეწყვეტენ საქმიანობას რუსეთში და წვეულებების გამართვას საქართველოში განაგრძობენ.

კონტექსტი: 2024 წლის თებერვლის დასაწყისში, უსაფრთხოების ძალებმა ჩაშალეს ეკატერინბურგში ეროტიკული წვეულება, რომელიც ასევე დახურულ კარს მიღმა იმართებოდა.

  • თუმცა ყველაზე დიდი სკანდალი დეკემბრის ბოლოს, მოსკოვში გამართულ თითქმის შიშველ წვეულებას მოჰყვა.
  • წვეულების ორგანიზატორი იყო ცნობილი რუსი ბლოგერი ნასტია ივლეევა.
  • ღონისძიებას რუსული შოუბიზნესის ცნობილი სახეები ესწრებოდნენ, მათ შორის — ფილიპ კირკოროვი, ლოლიტა, დიმა ბილანი და ქსენია სობჩაკი.

მოგვიანებით, ღონისძიების ერთი სტუმარი დააპატიმრეს, სხვებმა კი საჯაროდ გაავრცელეს პოსტები და ვიდეოები, სადაც "წვეულებაზე დასწრობას ნანობდნენ". მათ შორის იყო ფილიპ კირკოროვიც.

გაიგეთ მეტი: როგორ იქცა მოსკოვში გამართული "თითქმის შიშველი წვეულება" პოლიტიკურად