Bridgeton-ის პირველ 2 სეზონს არნახული წარმატება ხვდა წილად, ახლა კი მაყურებელი სერიალის მე-3 ნაწილსაც იხილავს. ნეტფლიქსი Bridgeton-ის ახალი სეზონის გამოშვებას 2 ნაწილად გეგმავს, თითოეულში კი 4 სერია იქნება. პირველი ნაწილის პრემიერა 16 მაისს შედგება, მეორესი კი — 13 ივნისს.

///

ნეტფლიქსმა ახალი ტრეილერიც გამოუშვა, რომელშიც Bridgeton-ის უკვე ნანახ სცენებსა და ტიკტოკერების ვიდეოებს ვხედავთ, რომლებიც სერიალის გამოსვლას მოუთმენლად ელიან. ამასთანავე, ცნობილია, რომ მე-3 სეზონში ყურადღების ცენტრში კოლინი და პენელოპე იქნებიან. სერიალის ახალი პროდიუსერის, ჯეს ბრაუნველის თქმით, მე-3 სეზონში კოლინისა და პენელოპეს დროა.

შეგახსენებთ, რომ Bridgeton გამოსვლისთანავე პოპულარული სერიალი გახდა. ნეტფლიქსის მონაცემებით, სერიალ Bridgerton-ის პირველი სეზონი 63 მილიონმა ანგარიშის მფლობელმა ნახა. 2020 წლის 25 დეკემბერს გამოსულმა სერიალმა ამ მაჩვენებლით ყველაზე წარმატებული პრემიერების სიაში მე-4 ადგილი დაიკავა და ნეტფლიქსის ტოპ ათეულში 76 ქვეყანაში მოხვდა.

მართალია, მე-3 სეზონში ნიკოლა კოფლენისა და ლუკ ნიუტონის პერსონაჟების რომანს ვიხილავთ, თუმცა ასევე ცნობილია, რომ ფიბი დინოვერი Bridgerton-ის მე-3 სეზონს აღარ შეუერთდება.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…