ახალი წელი გვიახლოვდება და ძველი თავსატეხიც აქტუალური ხდება: "წინდების გარდა რა შეიძლება ვაჩუქო"? — თუ ამ კითხვამ მოსვენება დაგაკარგვინა, საჩუქრის შესარჩევად ჯერ კიდევ არის დრო. ამ სტატიაში კი 7 იდეას შემოგთავაზებთ, რომელიც თავის მოჭრას გადაგარჩენს და ვინ იცის, იქნებ საუკეთესო სანტას ტიტულსაც ხელი გამოჰკრა.

1. კარლ მარქსის ფორმის ყულაბა

მეტი ორიგინალურობა რა გინდა, როცა კაპიტალის დასაგროვებლად მეგობარს კარლ მარქსის ფორმის ყულაბას ჩუქნი? ამ საჩუქარს არც პრაქტიკულობა დაეწუნება. მართალია, ადამიანზეა დამოკიდებული ფულის შეგროვებას რამდენად შეძლებს, თუმცა შენ რა გაქვს დასაკარგი?

ფოტო: On.ge

ფასი: 54 ₾ / დეტალურად ნახვა

2. ფოტოპრინტერი

ფოტო: On.ge

დაუვიწყარი მომენტების საცავი დღეს ჩვენი ელექტრონული მოწყობილობებია, თუმცა ხელშესახები მოგონებები სულ სხვა შეგრძნებებს აღვიძებს. ეს ფოტოპრინტერი კი თავის ადრესატს საუკეთესო მომენტების ფირებზე აღბეჭდვის შესაძლებლობა მისცემს, რასაც მხოლოდ წამები დასჭირდება.

ფასი: 199 ₾ / დეტალურად ნახვა

3. მაგნიტური ქვიშის საათი

ფოტო: On.ge

სმარტ საათებითა და ისეთი მაღვიძარებით, რომლებიც ლამის შენს ნაცვლად მიდიან სამსახურში, დღეს ვერავის გააკვირვებ. მაგრამ განა ქვიშის საათი ბევრგან გინახავს? ორიგინალური დიზაინის მქონე ეს ქვიშის საათი 1 წუთში იცლება და დაცლისას სხვადასხვა საინტერესო ფორმებსაც იღებს. ასე რომ, ადრესატის გულის მოგებაში ნამდვილად დაგეხმარება.

ფასი: 66 ₾ / დეტალურად ნახვა

4. მაგიდის ორგანაიზერი

ფოტო: On.ge

შენს მეგობარს ტელეფონი, გასაღები, სათვალე და მსგავსი ნივთები თუ ხშირად ეკარგება, ეს მაგიდის ორგანაიზერი დიდ დროს დააზოგვინებს. თითოეული ნივთი ორგანაიზერში გამოყოფილ ადგილებზე შეუძლია მოათავსოს და როცა დასჭირდება, მარტივადაც იპოვის.

ფასი: 132 ₾ / დეტალურად ნახვა

5. ბინგო

ფოტო: On.ge

ლატარიის თამაშზე ცხოვრებაში ერთხელ მაინც ყველას გაგვიფიქრია, საკუთარი ლატარიის ქონა კი უკვე სულ სხვა საქმეა! თამაში ბინგო კი ადრესატს საღამოების მხიარულად გატარების საშუალებას მისცემს. თან დარწმუნებული იყავი, რომ ამ სათამაშოთი არა მხოლოდ საყვარელ ადამიანს, არამედ მის ოჯახსაც ძალიან გაახარებ.

ფასი: 89,90 ₾ / დეტალურად ნახვა

6. ვანილის არაყი

ფოტო: On.ge

მათთვის, ვისთვისაც არყის სმა "ჩვეულებრივი ოპერაცია" და იმათთვისაც, ვინც სასმელში ტკბილ გემოებს ანიჭებს უპირატესობას, ვანილის არაყი იდეალური არჩევანია. ამ საჩუქრის ჰარმონიულ და სასიამოვნო გემოების თამაშს კი ვერავინ დაგიწუნებს!

ფასი: 54,90 ₾ / დეტალურად ნახვა

7. მთვარის სანათი

ფოტო: On.ge

თუ მეგობარს თავი ორიგინალური საჩუქრით გინდა დაამახსოვრო, მთვარის სანათი იდეალური არჩევანია. სანათი რეალურ მთვარეს ძალიან ჰგავს და რამდენიმე ფერის განათების საშუალებით, ნებისმიერ ინტერიერს მოერგება. ისიც არ დაივიწყო, რომ ადრესატს ძილის წინ მთვარის სანათის დანახვისას სულ შენ გაახსენდები.

ფასი: 78 ₾ / დეტალურად ნახვა

თუ ამ სტატიაში მითითებული ბმულებიდან რომელიმე ნივთს იყიდით, ჩვენ, შესაძლოა, პარტნიორი მაღაზიისგან მცირე საკომისიო მივიღოთ. მსგავსი პარტნიორობა არ გულისხმობს ჩვენს სარედაქციო საქმიანობაში ჩარევას და გვეხმარება, დავაფინანსოთ დამოუკიდებელი მედიის საქმიანობა.