დატვირთული კვირის ფონზე, რთულია, სიახლეებს თვალი მუდმივად ადევნო და არაფერი გამოგრჩეს. გასული კვირა როგორც მსოფლიოში, ისე საქართველოშიც, მრავალფეროვანი სიახლეებით სავსე აღმოჩნდა. ამ სტატიაში კვირის ყველაზე მნიშვნელოვანი ამბები შეგიგროვეთ. აი, ისინიც:

1. საქართველომ საბავშვო ევროვიზიაზე პირველი რეპეტიცია გაიარა (ფოტოები)

რიგით 21-ე საბავშვო ევროფესტივალს საფრანგეთის ქალაქი ნიცა 26 ნოემბერს უმასპინძლებს. 16 მონაწილე ქვეყანას შორის ერთ-ერთი საქართველოა, რომელსაც კონკურსზე ანასტასია ვასაძე, ნიკოლოზ ხარატი და ოთო ბაზერაშვილი წარადგენენ. ქართველმა მონაწილეებმა სულ ცოტა ხნის წინ Palais Nikaïa-ის არენაზე პირველი რეპეტიციაც გაიარეს.

უფრო ვრცლად წაიკითხე აქ.

2. ნინი ბრეგვაძე ამერიკული The Voice-ის Playoff-ების ეტაპზე TOP 3-ში მოხვდა

ცოტა ხნის წინ მაყურებელმა ამერიკული The Voice-ის Playoff-ების ეტაპი იხილა, რომელშიც თითოეულ მწვრთნელს თავისი გუნდის 6 წევრიდან 3 უნდა შეერჩია. Playoff-ების ეტაპზე ნინი ბრეგვაძის მწვრთნელმა, ნაილ ჰორანმა, 3 მონაწილეს შორის ქართველი მომღერალიც შეარჩია.

უფრო ვრცლად წაიკითხე აქ.

3. ევროვიზიის გამარჯვებული ჯამალა რუსეთში ძებნილად გამოცხადდა

ცნობილი უკრაინელი მომღერალი ჯამალა რუსეთში ძებნილად გამოცხადდა. მუსიკოსი, რომლის ნამდვილი სახელი სუსანა ჯამალადინოვაა, რუსეთის შინაგან საქმეთა სამინისტროს ძებნილთა სიაში ოქტომბერში აღმოჩნდა, თუმცა, ადგილობრივი მედიისთვის ინფორმაცია ცოტა ხნის წინ გახდა ცნობილი.

უფრო ვრცლად წაიკითხე აქ.

4. რობერტ პატინსონი და მისი შეყვარებული პირველ შვილს ელოდებიან

მსახიობი, მოდელი და მომღერალი სუკი უოთერჰაუზი და მსახიობი რობერტ პატინსონი პირველ შვილს ელოდებიან. ამის შესახებ საზოგადოებას სუკიმ Corona Capital-ის ფესტივალზე შეატყობინა. უოთერჰაუზი ფესტივალზე ერთ-ერთი შემსრულებელი იყო, რა დროსაც სცენიდან ორსულობაზე იხუმრა.

უფრო ვრცლად წაიკითხე აქ.

5. პერის ჰილტონს მეორე შვილი შეეძინა, რომელსაც ლონდონი დაარქვა

პერის ჰილტონს მადლიერების დღის აღსანიშნად განსაკუთრებული მიზეზი ჰქონდა — მას მეორე შვილი შეეძინა. 42 წლის ვარსკვლავი და მისი ქმარი, კარტერ რეუმი, მშობლები უკვე მეორედ გახდნენ. სიახლე თავად ჰილტონმა სოციალური ქსელის მეშვეობით გვაცნობა. მან ჩვილის ვარდისფერი ტანსაცმლის ფოტო დაპოსტა, რომელსაც ზედ "ლონდონი" აწერია.

უფრო ვრცლად წაიკითხე აქ.

6. ფრანგებს საკუთარი თავიც არ მოსწონთ — რიდლი სკოტი ფრანგ კრიტიკოსებს პასუხობს

ახლახან რიდლი სკოტის ახალი ფილმი, სახელად Napoleon, გამოვიდა. ისტორიული დრამა საფრანგეთის ცნობილი იმპერატორის ცხოვრებისა და მოღვაწეობის შესახებ მოგვითხრობს, მთავარ როლში კი ხოაკინ ფენიქსი თამაშობს. Napoleon პრემიერიდან მალევე კრიტიკის ობიექტი გახდა, რასაც უკვე ფილმის რეჟისორიც გამოეხმაურა.

უფრო ვრცლად წაიკითხე აქ.

7. რობერტ პატინსონს დაბადების დღე თურმე დაუგეგმავად უქციეს ბინდის წვეულებად

რაც გეჯავრებოდეს, ის გეძალებოდესო, რობერტ პატინსონის და ბინდის ურთიერთობაზეა ნათქვამი. მაისში მსახიობმა 37 წლის იუბილე აღნიშნა და წვეულებაც მოაწყო, სადაც სრულიად შემთხვევით, დაუპატიჟებლად აღმოჩნდა ჯერ ბინდის რეჟისორი ქეთრინ ჰარდვიქი, მოგვიანებით კი მხიარულებას ბელა სუონის შემსრულებელი კრისტენ სტიუარტიც შეუერთდა.

უფრო ვრცლად წაიკითხე აქ.

8. BTS-ის წევრი Jungkook ჯარში წასვლამდე ფანებს გამოემშვიდობა

ცნობილი სამხრეთკორეული ჯგუფის, BTS-ის წევრი, Jungkook ფანებს ჯარში გაწვევის გამო დროებით გამოემშვიდობა. მან ვრცელი პოსტი სოციალურ ქსელში გაავრცელა. RM, Jimin, V და Jungkook ჯგუფის ბოლო 4 წევრი იყო, რომლებიც ჯარში აქამდე არ გაუწვევიათ.

უფრო ვრცლად წაიკითხე აქ.

9. დისტოპიური რეალობა მოგენატრა? Black Mirror-ს მე-7 სეზონი დაუმტკიცდა

4-წლიანი პაუზის შემდეგ მაყურებელმა Black Mirror-ის მე-6 სეზონი 2023 წლის ივნისში იხილა. Netflix ახალი სეზონის გამოსვლის სავარაუდო თარიღს ჯერ არ ასახელებს, თუმცა სერიალის განახლებაზე მუშაობა უკვე დაწყებულია.

უფრო ვრცლად წაიკითხე აქ.

10. მარგო რობის თქმით, ბარბის მეორე ნაწილის გადაღება არ იგეგმება

მას შემდეგ, რაც რეჟისორ გრეტა გერვიგის ბარბი წლის ყველაზე შემოსავლიანი ფილმი გახდა, მაყურებლები მსჯელობდნენ იმაზე, გადაიღებდა თუ არა გერვიგი ფილმის გაგრძელებასაც. ამ თემაზე ერთ-ერთ ინტერვიუში ბარბის როლის შემსრულებელმა მსახიობმა, მარგო რობიმ თქვა, რომ მეორე ნაწილის გადაღება არ იგეგმება.

უფრო ვრცლად წაიკითხე აქ.