რუსმა ქალმა ტვინში 3 სმ-იანი ნემსით 80 წლის განმავლობაში ისე იცხოვრა, რომ ამის შესახებ არც კი იცოდა. ეს მას შემდეგ გაირკვა, რაც ექიმებმა ქალს კომპიუტერული ტომოგრაფია ჩაუტარეს და ნემსის შესახებ მოულოდნელად აღმოაჩინეს.

ექიმების ვარაუდით, 80 წლის ქალის ნემსით მოკვლა მშობლებმა ჩვილობაში სცადეს, თუმცა ის გადარჩა. მოგვიანებით კი, მშობლებმა ნემსის ამოღება აღარ სცადეს, რადგან ბავშვის მდგომარეობის გაუარესების შეეშინდათ.

"შიმშილობის პერიოდში ასეთი შემთხვევები იშვიათი არ იყო. ალბათ, მე-2 მსოფლიო ომის დროს მისმა მშობლებმა გადაწყვიტეს ჩვილი დაბადებისთანავე 3 სმ-იანი ნემსით მოეკლათ. ეს მეთოდი დანაშაულის მტკიცებულებების დასამალად ხშირად გამოიყენებოდა", — განაცხადა სახალინის ოლქის ჯანდაცვის დეპარტამენტმა.

მე-2 მსოფლიო ომის დროს საბჭოთა კავშირში საკვების დეფიციტი იყო და ბევრი ადამიანი სიღარიბეში ცხოვრობდა. "ნემსმა მარცხენა პარიეტალურ წილში შეაღწია, მაგრამ განზრახული ეფექტი არ ჰქონდა — გოგო გადარჩა", — ამბობენ ექიმები.

აღსანიშნავია ისიც, რომ 80 წლის ქალი თავის ტკივილს არასდროს უჩიოდა და ამ წლების განმავლობაში საფრთხე არც მის ჯანმრთელობას ემუქრებოდა.