რატომ არის მნიშვნელოვანი: ქუთაისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და განზრახ მკვლელობასა და ხულიგნობაში ბრალდებული პირი დამნაშავედ ცნო.

  • მტკიცებულებებით დადასტურდა, რომ 2022 წლის 17 დეკემბერს, ბრალდებულმა ხონში, სხვა პირებთან ერთად სიტყვიერი შეურაცხყოფა მიაყენა და სცემა ორ ადამიანს.
  • მოგვიანებით, ბრალდებული ერთ-ერთ დაზარალებულს კიდევ ერთხელ დაუპირისპირდა ფიზიკურად. შედეგად, დაზარალებული ადგილზე გარდაიცვალა.
  • ქუთაისის საქალაქო სასამართლომ ბრალდებული დამნაშავედ ცნო და 12 წლით თავისუფლების აღკვეთა მიუსაჯა.
  • აღნიშნულ საქმეზე სასამართლომ დამნაშავედ ცნო კიდევ 6 პირი, რომლებსაც 3 წლით და 6 თვით თავისუფლების აღკვეთა აქვთ მისჯილი.

დეტალები: სამართალდამცველებმა დანაშაულის ჩამდენი პირი 2022 წლის 18 დეკემბერს დააკავეს.

  • მას ბრალი საქართველოს სისხლის სამართლის კოდექსის 108-ე მუხლით წარედგინა, რაც განზრახ მკვლელობას გულისხმობს.