შეიჭყიტე ჯადოსნურ სამყაროში — მიაძაკის ბოლო ანიმედან ახალი ფოტოები გავრცელდა

ლეგენდარული იაპონელი რეჟისორი და ანიმატორი ახალი და, მისი თქმით, ბოლო ანიმეთი გვიბრუნდება. ჰაიაო მიაძაკის ახალი ნამუშევარი, სახელად როგორ ცხოვრობ? (ინგლისურენოვან ვერსიას ბიჭი და ყანჩა ერქმევა), კინოკრიტიკოსებმა უკვე შეაფასეს "შედევრად".

მიაძაკის უკანასკნელი ნამუშევრის სახელი აღებული აქვს იაპონელი მწერლის, იოშინო გენძაბუროს, წიგნის სათაურიდან, თუმცა, ფილმის სიუჟეტი ნაწარმოებს არ ეფუძნება. აქ ამბავი მოზარდ ბიჭზეა, რომელიც თავის პატარა ქალაქში მიტოვებულ კოშკს აღმოაჩენს და მოლაპარაკე ყანჩასთან ერთად ჯადოსნურ სამყაროში აღმოჩნდება.

აღსანიშნავია, რომ პრემიერამდე ფილმის შესახებ ფაქტობრივად არაფერი იყო ცნობილი, რადგან არც ტრეილერი გავრცელებულა და არც — სიუჟეტის აღწერა.

ამერიკელი მაყურებელი მიაძაკის უკანასკნელ ნამუშევარს, სავარაუდოდ, წელსვე იხილავს. ეპოქალური რეჟისორის ახალი ფილმის ჩვენების უფლება სხვა რამდენიმე ქვეყანაშიც გაყიდულია უკვე.

მიაძაკი ისეთი ცნობილი ანიმეების რეჟისორია, როგორებიცაა მოჩვენებების მიერ გატაცებულნი, ჰაულის მოსიარულე ციხე-კოშკი, ჩემი მეზობელი ტოტორო და პრინცესა მონონოკე. ჯერჯერობით მოჩვენებების მიერ გატაცებულნი ერთადერთი ანიმეა, რომელსაც საუკეთესო ანიმაციური ფილმისთვის ოსკარი აქვს მიღებული. ამ ყველაფრის გათვალისწინებით, გასაკვირი სულაც არაა, რომ მიაძაკის ახალ ანიმეს მსოფლიო სულმოუთქმელად ელოდება.

ამავე თემაზე:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...

ბოლო ამბები:

გირჩევთ

შეიჭყიტე ჯადოსნურ სამყაროში — მიაძაკის ბოლო ანიმედან ახალი ფოტოები გავრცელდა

კომენტარები

კვირის ტოპ-5

გირჩევთ

ახლა კითხულობენ